اقفلو الفون وذاكر عشان تخلص!

Watermelon_15620 🇪🇬

منذ سنة واحدة

شعور Okay 😐

تقريبا مشكله تلت تربع الناس اللى هنا هيا المذاكره وانهم مش عارفين يخلصو ف بليز اقفلو الفون داااااا واتفضلو شوفو اللى وراكو عشان نخلص بقا الشكوى مش حل محدش هيعملك سحر يخليك تنجز الحل الوحيد انك تقفل وتذاكر بس كدا خلصنا

طالب تانيه ثانوي مش فاكر حاجه وعاوز الم الدنيا قبل الامتحانات

السلام عليكم ورحمة الله وبركاته انا طالب تانيه ثانوي انا بذاكر بس مش قوي بس حاليا مش فاكر اي حاجه خالص ف اطلب منكم لو مفهاش زعل حد يعملي جدول او ينصحني بحاجه لان مش فاضل غير شهر ع الامتحانات وعاوز الم الدنيا شكرا 🌹 ...عرض المزيد

8 الدعم

9 نصيحة

تالته ثانوي ومشاكل صحيه.. هل لو بدأت دلوقتي هلحق؟

السلام عليكم أنا تالته ثانوي وكان عندي مشاكل صحيه وعمليات وكده من بدايه السنه ومبدأتش اي ماده لغايه دلوقتي هل لو بدأت هلحق اجيب مجموع كويس وياريت لو حد معاه جدول أوي حاجه اقدر. الم بيها يقول عشان حاسه اني بضيع حرفيا والموضوع مكنش بأيدي ...عرض المزيد

5 الدعم

3 نصيحة

مش قادره اذاكر ومخنوقه من الضغط - محلك سر!

مش قادره اذاكر حاسه اني تعبت وفصلت ومش قادره امسك كتاب ولا احفظ ولا افهم حاجه كل ما احاول افتح وا ذاكر بحس ان دماغي مش مستوعبه حاجه ومخي مش مركز والوقت بيجري وانا مش بانجز حاجه لازم اخلص قبل واحد تلاته بس كل يوم بيعدي وانا حاسه اني محلك سر مش عارفه اركز ولا استوعب اي حاجه جديده وبقيت احس ان كل اللي بعمله مالوش فايده والضغط زاد عليا اكتر وبقيت حاسه اني مخنوقه ومش قادره اتحرك ولا افكر ولا حتى ارتاح حتى لما احاول انام مخي مش بيسكت وكل شويه افكر ان الوقت بيضيع وان اللي المفروض اكون خلصته لسه مابداتش فيه وكل ما احاول اضغط نفسي اكتر الاقي نفسي تعبت اكتر ومش قادره اذاكر ولا اعمل اي حاجه مفيده بقالي كتير على الحال ده وكل يوم اقول بكره هبدا بجد وهركز وهخلص اللي ورايا وفي الاخر اليوم يخلص من غير ما اعمل اي حاجه ونفسي اتخلص من الاحساس ده نفسي احس اني بذاكر بجد وانجز من غير ما احس اني بلف في دايره مقفوله حد عنده حل او نصيحه اقدر اطبقها عشان الحق اخلص قبل الوقت ما يفوت ومفضلش في الدوامه دي اكتر من كده ...عرض المزيد

6 الدعم

3 نصيحة