اعمل ايه مع خلقي الضيق؟ وحاسة اني مش طايقة حد؟ اعمل ايه مع ضيق التنفس وكرشة النفس الي بتجيلي فجأة والنغزات اللي بتيجي في قلبي؟ اعمل ايه مع العياط اللي بيجي فجأة في اي وقت حتي لو انا في الشغل بروح الحمام اقفل ع نفسي واعيط! اعمل ايه لما حد معين يوحشني اووووي ونفسي احكيله حاجات كتير اوي وبحس بحنين واشتياق له رهيب بس خلاص مينفعش نتكلم! اعمل ايه لما الناس القريبة مني الي بتموت فجأة؟ والناس اللي بتبعد فجأة بردو ويسيبوني لوحدي في نص الطريق؟ اعمل ايه من خوفي من المستقبل والمجهول وخايفة اوي من الفقد انا حاسة مبقتش عارفة اعمل ايه في حياتي حاسة اني بقيت عايشة بلا روح عايشة مش زي الناس الي حواليا انا مبعملش حاجه غير اني بعيش اليوم بيومه واهي الايام بتعدي من ولا شي.. وكأن حياتي اتلخصت في اغنية محمد منير لما قال ( وكل شيء بينسرق مني.. العمر والايام...)💔

1

6