اعمل ايه بجد.. انا مستوايا حلو كمذاكرة تمام بس بقيت حرفيا السنادي بأجل كل حاجه.. معدتش بعرف اقعد علي كتاب بقيت كارهه كل حاجه ومتجهه للموبايل بشكل كبير وكل اما اقول خلاص انا هرجع زي الاول وابعد الموبايل عني بفشل بس بذاكر كتقضيه واجب تمام.. واغلب العيال قالولي معدتيش زي الاول انتي فعلا السنين الي فاتت كنتي دحيحة والكلام دة وحرفيا انا مذاكرتي متجيش حاجه جمب العيال الي بيذاكروا ولا دة منظر حد يجيب مجموع حتي وبقيت خايفة جدا من الامتحانات انو ييجي امتحان صعب وانا اخاف وافشل في حلو ولا امتحان انجليزي لان حرفيا اسلوب مستر الانجليزي ممكن يشرحلك وحدة او وحدتين جرامر مثلا ويقولك حلي الواجب الي عليه لكن مبيمتحنش.... في حاجات كتيره خايفة منها وخايفة من المقارنات الي هتحصل كمجموع عشان في العيلة معايا قريبي.. اعمل ايه بجد

4

5