ازاي اخشع في الصلاه واعيط من قلبي؟

Question

ازاي بتخشعوا ف الصلاه و ازاي تقدروا تعيطوا و ازاي بتصلوا من قلبكم مش مجرد كلام و حركات انا بحاول والله بس بحس نفسي بمثل و عمري ما دمعت ولا عيطت 
و مبخشعش غير و انا بطلب حاجه للدنيا او بدعي ب حاجه للدنيا 
هل لوحدي كدا و ايه الحل

Sugar_51832 🇪🇬 · Accepted Answer

زود معرفتك بربنا  وصلي ف الجامع وافهم الكلام ال بتقوله ف الصلاه
وأفضل حاول انك تركز دايما واستغفر كتير عشان اوقات بيكون قلة الخشوع بسبب الذنوب 
وبعد كل دا لو مخشعتش عادي الخشوع مش فرض المطلوب منك انك تصلي بس حاول تحسن الصلاه طبعا

Banana_74835 🇪🇬 · Answer

ربنا يسترنا و يرزقنا الخشوع هحاول ان شاء الله

Coffee_74504 🇪🇬 · Answer

اسمع احمد عامر و ابوزيد الحلقة بتاعتهم

Chilli_74375 🇪🇬 · Answer

طول مانت بتدور عليها بالاسلوب دا مش هتلاقيها
انا كنت زيك كدا فتره بس لقيت الحل ان الواحد يقرا القران ويزود معرفته بربنا ويقرا ازاي الدين دا وصلنا وقد ايه ناس اتعذبت وماتت وناس ضحت بحياتها عشاننا لما تفهم وتدرك كل دا وقتها الخشوع هايجيلك لوحدك ولما تفهم عظمه ربنا قد ايه وتدركها صح هتلاقي نفسك بتبكي ع كل لحظه ماخشعتش فيها دايما زود معلوماتك

Sugar_56012 🇪🇬 · Answer

شوف كيف تتلذذ بالصلاة ع اليوتيوب

Mango_73744 🇪🇬 · Answer

اسمع بودكاست ع الموضوع ده وكتير هيفيدك 
ومش لازم نعيط بالصلاة دي بتبقي راجعه لدرجه التعب او نفسيا او طبيعه الشخصيه نفسها ممكن حساسه شويه ومن اقل تعب وضرر وتيجي بقيام الليل او ركعتين قضاء الحاجه تبكي وتفضغض لربنا فيه ناس تاني صعب عليهم او بيرتاحوا بالكتمان اكتر يعني بترجع الشخصيه.. ربنا يثبتنا جميعا ويرزقنا حسن الخاتمة 🤲

Ice Cream_62268 🇪🇬 · Answer

مش لازم تعيط الدموع بتبقى بتختلف ع حسب الشخص نفسه
الخشوع بقى انك تسمع لكل حرف وهو بيتقرا بتمعن وانصات 
خش الصلاة وانت عارف انك داخل تكلم ربنا 
واتكلم ف السجود ف اي حاجة انت عاوزها

Banana_64932 🇪🇬 · Answer

بص يا صديقي 
ف جمله بيقولها الإمام دايما قبل الصلاه 
^ صلي صلاة مودع ^ 
تخيل ان دول آخر ركعتين ف حياتك وهتقابل ربنا 
ساعتها هتحس بدا