مش عارف أبدأ ازاي أتعرف على بنات في الجامعة

Question

ازاي بتتعرفوا على حد لان الصراحة مش عارف ابدأ منين، يعني بتتعرفوا على بنات ازاي وكده يعني، انا في جامعة والصراحة مش عايز لو ناوي اتجوز اتجوز جواز صالونات، لان عندي اهتمامات كتير وبدور على حد بنفس اهتماماتي، بش مش عارف ابدأ منين

Corn_49802 🇮🇶 · Accepted Answer

فقط كن اجتماعي و حافظ على شخصية ثابتة ، امزح لكن ليس كثيرا ، تواضع لكن ليس بأفراط ، حاول تكون موزون بكل شيء ، و دائما ادخل في الفعاليات التي تحدث ، أسمك عندما ينذكر كثير راح يكون عندك أساس ، ثم حدد هدفك و اعرف البنت شنو تريد و شنو يلفت نظرها و كثر منه أمامها و بشكل مباشر أو غير مباشر ، و راح تفوز بيها

Mango_52462 🇪🇬 · Answer

سبحان الله يعني ربنا قافل ليك باب الحرام وبعدك عنه تقوم انت تجري ورا الحرام مش تشتغل بالك بالحوارات دي ادعي ربنا وهو هيوفقك ويرزقكك

Mango_19747 🇪🇬 · Answer

طيب خليني افاجئك ان ده اولا طبعا حرام ثانيا انتا اصلا لما تتخرج اهر حاجه حتفكر فيها الجواز لان انتا اول مرتب حتاخدوا حيعيشك انتا شخصيا بالعافيه  بغض النظر بقي انتا كليتك اي اصلا فانتا اول لما تتخرج اول خاجه حتفكر فيها انك تبني كارير

Coffee_33188 🇪🇬 · Answer

اخوياا الغالي…مبدأياً تكون عارف إن العلاقات دي حرام شرعاً ولو اتجوزت بنسبة كبيرة هتحتاج تستغفر ربك وتتوب عن الذنب دا ..ربك مش هيبارك ف علاقة بدايتها حرام وبيحصل كم مشاكل رهيب ف الجوازة دي…عامةً احنا مجتمعنا العقيم سمي جواز الحلال الجميل بما يُرضي الله ورسوله انه جواز صالونات وانه عيبه ومش حلو ولا كيوت حاجة عبط يعني من الأخر…ف طالما انت ناوي ع جواز بجد دور ي حبيب ع عروسة اهلك يساعدوك وتتقدم ليها عادي

Coffee_33188 🇪🇬 · Answer

بعد ما تتقدم طبعاً بعد ما تكون سألت عليها وارتحت ليها يعني ..ف فترة خطوبة بقي ودا بتتعرفوا فيها ع بعض اكتر بس طبعاً كل دا ف حدود ولو مش مناسبة معاك عادي فركش ي حبيب ودا مش عيب ع فكرة

Chocolate_28606 🇪🇬 · Answer

محتاج تتواجد في دواير فيها ناس شبه اهتماماتك ممكن تيمات او شلل في الكلية ومش لازم تبقى فرد من الشلة ممكن تبقى صديق الشلة بس وأتعامل معاهم ودور وفكر ولكن الاهم انك تكون عامل حسابك ان نيتك جد يعني انت بتدور عشان تتجوز مش عشان تصيع . واكيد مش محتاجة تفكرك ان انت اللي هتبادر بكل حاجة سواء اول فتح كلام او اول اي خطوة ولازم تتقبل انك ممكن تترفض وده شىء لا يعيبك اطلاقا ومتسيبوش يحجمك ولا يأثر على ثقتك