انا فيه حاجه بجد عايز احكي عنها وتتكلم فيها وياريت الناس تقولي اي حل معلش انا عندي 22 سنة ووسيم شويه فا كان عندي مشكلة وهي إن فيه شباب بتشوفني بتعجب بيا وكان بنسبالي دا إنسان مريض ومكنتش بفكر كتير في الموضوع دا خالص وانا كمان كنت بروح الجيم وكان فيه كتير زي كدا ومكنتش بدى اي اهتمام خالص بس لحد ما اتفرجت علي مسلسل اجنبي اسمه رامي بتاع عمرو واكد وفيه برنامج ذكر في المسلسل واكتشفت إن البرنامج دا للمثليين فكلمت ناس صحابي قولولي مستحيل تلاقي ابدا حد منزل الاب دا في مصر فا قلنا نجرب نزلته لقيت عليه كمية بشر غريبه وعجيبه فا كنا نقعد نبعت للشباب الي في البرنامج ونضحك وكدا يعني هزار يعني وكدا لحد ما في يوم والكلام دا من اكتر من 3 سنين حرفياً واحد صاحبي قالي انت مش هتخرج من الموضوع دا غير ما تبقا زيهم زي المثليين يقصد فا ضحكت انا والشباب وعدي سنة والتانية والتالته لحد ما قبلت صديق ليا حرفياً ساكن في البيت الي جنبي بظبط وفي أواخر 2024 كان حرفياً مقيم عندي في البيت انا الوالد والوالدة متوفيين وكان عندي تلاته أخوات صبيان أو اخوان عشان اللغة وكدا المهم الكبير مات بردك وبجد كلهم ماتوا في سنه واحده الي هي 2018 فا انا مش هقول مدمر بس مكنتش طبيعي وكان اقوي حاجه بحس بيها المشاعر بحس بدرجة عملاقة المهم صديقي دا قربنا من بعض جدا جدا جدا وكل يوم مع بعض فا انا كنت متعود إن اي حد بحبه بقوله إنى بحبك بقوله عادي صافي نية بجد انت بتحب حد لازم تقوله بحبك لحد ما قلتله في مرة إني بجد بحبك فا هو استغرب كدا وبصلي بصة غريبه وحضني فا انا قلت عادي فا بعدها عادي وانا في الجيم انا وواحد صاحبي خلصنا وروحنا للشباب علي القهوة فا صاحبي حاكلهم علي واحد في الجيم كان عمال يبص عليا وجه قالي إني جميل وكدا وانا قلت لكم إني متعود علي كدا عادى فا قلت ليه شكراً وكدا بس كان باين علي الشاب إنه غريب فا صاحبي القريب دا سأل صاحبي التاني كان غريب ازي فا قله قد يبص علي هشام الي هو انا وسايب التمرين وبيتفرج عليه فا المهم من هنا كل حاجه اتغيرت لما صاحبي طلع في اليوم دا يبات عندي وهو علي طول كان بينام جنبي علي السرير عادي إلا اليوم دا منمش جانبي علي السرير فاستغربت وسألته انت خايف مني ولا اي بهزار فقام وبصلي كدا وقالي يهشام انت بجد جميل هنا كانت الصاعقة هنا انا اتغيرت 360 درجة كل حاجه اتغيرت بقيت ابص في المرايا كتير واهتم بنفسي وبقيت حاسس بنجذاب جامد لصديقي دا وانا عارف أنه نفس الكلام لدرجة إني بقيت بعيد عنه وعملتله بلوك من كل حاجه حرفياً لحد ما اتصلحنا وحسيت إني رجعت طبيعي وعدي وجت السنة الجديدة فا خرجنا مصيف في شهر 7 الي فات فا كان الشباب أما اكون لابس المايوه وكدا يقعدو يهزرو وكدا ياض يا ابيض يا يا أمور يابو خدود حمراء وهزار ونضحك فا ركزت علي صاحبي دا لقيته بصصلي مش شايل عينه من عليا عدي اليوم الأول وتأني يوم جه اتنين صحابنا تاني فا كان لازم حد ينام جنب حد فا جه واحد نام جنبي صحيت لقيت صاحبي دا مضايق ومتعصب فا قلتله مالك يبني قالي اشمعنا هو ينام جنبك فا قلتله عادى وقلت ارخم عليه شويه عشان هو مضايق واحنا في مصيف وكدا خت الفون بتاعه وقعت ابعت رسايل للعيال ضحك وكدا قمت فتحت البوم الصور وهنا كانت الصاعقة التانيه الالبوم بتاعه كلو صور ليا وصور وانا نايم فا معرفتش أكلمه أقوله اي سكت لحد ما روحنا وعملته بلوك تاني وبعدت بعيد عنه لحد ما ولدته كلمتني وقالت لي إن هو حاول ينتحر هنا انا مقدرتش امسك نفسي وبكيت جامد وروحت المستشفى ليه وحضنته وقلتله انا اسف وهنا هو قالي إنه بيحبني ومش هيعرف يعيش من غيري ولو سيبته هيموت نفسه ومن ساعتها وانا بتفرج علي افلام LGBTQ حرفياً اتفرجت عليها كلها وبقيت بنجذب للشباب ومش عارف أنجزب خالص للبنات بطريقة عجيبة وحاسس حرفياً إني بقيت مثلي أو شاذ فا بجد عايز حل للموضوع دا ياجماعة بجد محدش يشوف البوست دا غير ما يقولي اساعد نفسي ازي وهل ابقا زي ما انا ولا اتغير ومصيري اي واخرتي اي

1

29