بتعملو ايه لما تحسوو انكم ابتديتو تتقفلو من اكتر شخص مهم وبتحبوه في حياتكم بسبب تصرفات بسيطه أو افعال أو مواقف حاجات بسيطه بتحصل مش مواقف وحشه اوي أو كبيره يعني يس حاجات تضايق وتبدأ فجاءة تحس انك مبقتش قادر تدي نفس الحب بنفس الاحاسيس زي الاول او بمعني اصح مبقاش عندي حاجة اديها 😆 انا ليا وحده صاحبتي بحبها اوي وهي بتحبني يعني احنا اقرب اتنين لبعض بس عارفين دايما انا الي كنت بدي مشااعر اكتر كلام حلو اكتر أفعال حلوه اكتر مش معناه أنها مش بتديني لا هي والله مفيش في طيبه قلبها وانا من غيرها بتوه ببقي مش انا بس في الاول كنت بعمل كل حاجة حلوه ومش مستنيه حاجة دلوقتي حسيت اني معنديش طاقه تاني ادي فاهمني بقيت مستنيه يتردلي حاجة زي الي كنت بعملها تنزلي استوري فيها كلام حلو زي ما كنت بعمل تجبلي حاجات حلوه لما اكون مضايقه انا مرتين كانت مخنوقه وكده جبتلها حاجات بكل الفلوس الي معايا عشان تتبسط وانا كتير اوي بكون ميته من جوايا انا بقالي 6 أو 7 شهور كده معرفش حصلي ايه فيهم كنت اوقات كتير ببقي محتاجة حاجة تفرحني كنت بدعي ربنا اقول يارب مفاجاه حلوه تبسطني من أهل من أصحاب محتاجة حاجة تخليني اعيش أو افرح شويه مكنتش بلاقي منها حاجة كده كنت بقعد افكر بقول طيب ما أنا اهو ميته ومخنوقه وفيا وجع محدش يعرف غير ربنا وهي تعرف برضو ليه معملتش ليا مفاجاه زي ما عملت ليها قبل كده ليه مفرحتنيش بتحصل مواقف بسيطه كده بتخليني اتصدم الي هو انا استحاله اعمل الحاجة دي وانتي تعمليها عادي ده في مرا كان في موقف كنت بقولها انتي مش بتحكيلي حاجة وانا بحكي كل حرف بقولو أو بيتقالي وانا قررت اني مش هحكي تاني عشان انتي مش بتحكي راحت اتصدمت وقالتلي هي وحده بوحده وانتي ليه بتحسبي كل حاجة كده ساعتها قعدت ابررررر واقول لا مش قصدي كده وانا بعمل عشان انا عاوزة كده وعشان بحبك وعشان بحب اعمل كده واتعودت اعمل كده بس بعدها فكرت وندمت اني عملت كده ما اه وحده بوحده اه لما اعمل حاجة حلوه هبقي منتظره أنها تتردلي اضعافها كمان مش عارفه انا صح ولا لا بس انا مكنتش كده والله مكنتش بستني منها اي حاجة كنت بعمل كل حاجة حلوه من غير ما ابقي مستنيه حاجة بس تقريبا مشاعري خلصت خلاص لأن انا كده مع كل الناس مش هي بس 😆 فا خلاص مش قادره ادي حد حب تاني وهي قالتلي انتي بقيتي تعامليني بقسوة المهم انا مش عاوزة اخسرها أو تتقفل منها فا ازاي اتغلب على الشعور ده واشيلو من دماغي انا مش بكرها انا جوايا حب ليها ميتوصفش بس جوايا حاجة تاني خنقاني منها حاجة كمان أنا شخص طفولي واهبل جدا مش بعرف اتعامل في اي حاجة في حياتي لوحدي ودايما لازم لازم اخد رأيها وهي تقولي اعمل ايه في كل خطوة في حياتي وبسمع كلامها وبمشي وراها في كل حاجة حرفيا يعني وانا مغمضه أنا بقي لما اجي أنصحها بحاجة أو اقولها متعمليش حاجة بتقولي ملكيش دعوه انا عارفه بعمل ايه كويس ومرا قالتلي مش انتي الي هتقوليلي اعمل ايه وهي شخصيتها قويه جدا جدا وذكيه بتصعب عليا نفسي اوي اوي اوي بتقهر كده لما بتقولي كده الي هو انا مبعرفش اتحرك من غيرك وانتي بتقولي كده وهي صح عمتا انا الي محتاجة اعدل شخصيتي واخليها اقوى من كده

1

5