ازاي اتخطى حلمي اللي تعبت أوي علشان اوصله؟

Question

ازاي اقدر اتخطى حلمي اللي تعبتت أوي أوي علشان اوصلو محدش حاسس بيا حاسه مفيش اي كلام قادر يصبرني او اتقبل فكرة ان خلاص كده حاسة بوجع و كسرة كبيره أوي جوايا انا مؤمنه بربنا  و بحمدو والله اكيد محدش بياخد اكتر من نصيبو بس انا موجوعه أوي لأني مكسبتش حاجه ف حياتي كنت نفسي اكسب المره دي بس كنت نفسي اتعوض.

French Fries_20904 🇪🇬 · Accepted Answer

بصي مواساة ربنا ال بعتهالك معايا!🤍
(لَا تَدْرِي لَعَلَّ اللَّهَ يُحْدِثُ بَعْدَ ذَٰلِكَ أَمْرًا)
(يُؤْتِكُمْ خَيْرًا مِّمَّا أُخِذَ مِنكُم)
(فَلَا تَعْلَمُ نَفْسٌ مَا أُخْفِيَ لَهُمْ مِنْ قُرَّةِ أَعْين)
(وَنَحْنُ أَقْرَبُ إِلَيْهِ مِنْ حَبْلِ الْوَرِيدِ)
(يُدَبِّرُ الأَمْرَ)
(وَلَسَوْفَ يُعْطِيكَ رَبُّكَ فَتَرْضَىٰ)
(وَآتَاكُم مِّن كُلِّ مَا سَأَلْتُمُوهُ)
(‏ فَاسْتَجَبْنَا لَهُ وَنَجَّيْنَاهُ مِنَ الْغَمِّ ۚ)
( وَلَا تَحْزَنْ عَلَيْهِمْ)
(وَأَن لَّيْسَ لِلإِنسَانِ إِلاَّ مَا سَعَى، وَأَنَّ سَعْيَهُ سَوْفَ يُرَى)
(يا أَيُّهَا الَّذِينَ آمَنُوا اسْتَعِينُوا بِالصَّبْرِ وَالصَّلَاةِ)

French Fries_20904 🇪🇬 · Answer

ابشري بعوض ربنا لسه لسه هيراضيكي اصبري واحمديه دايما وهتعرفي حكمته حتي المنع خير سلّمي امورك لله🤍

French Fries_20914 🇪🇬 · Answer

انا حاسه بيكي لاني ف يوم من الايام حسيت كدا واحب اقلك ده اختيار ربنا ليكي ف الوقت ده مش هتفهمي حكمه ربنا لكن بعدين بهدوء هتستوعبي أن فيه خير ربنا شيلهولك وعوض كبير

French Fries_20914 🇪🇬 · Answer

ربنا مبيضيعش تعب حد ابدا هتاخدي تعبك ف وظيفه تتقبلي فيها بعدين اه العوض ممكن يتأخر بس تأكدي أنه بيجي يومك جميل♥️

Strawberry_21027 🇪🇬 · Answer

الحمدلله ع كل شئ

French Fries_20904 🇪🇬 · Answer

اختبار ولو رضيت بقضاء ربنا الخير دايما بكل اقداره هيراضيها

Strawberry_21027 🇪🇬 · Answer

بس انا مش جايبة مجموع اي حاجه حاسه كل حاجه مقفلة ف وشي

Broccoli_21025 🇪🇬 · Answer

كله بأجره وربنا مبيضيعش تعب حد اكيد لو خير مكنش هيروح.. 
استعيذى بالله من الشيطان وادعى ربنا يعوضك بحاجه احسن ربنا عنه خزائن السموات والارض.. 
اكيد هيعوضك لو مكنش دلوقتي اكيد هيبقى ف الاخرة 
وربنا يوفقك ويسعدك ويفرح قلبك يارب

Strawberry_21027 🇪🇬 · Answer

شكراً ليكِ بجد🤍

French Fries_20914 🇪🇬 · Answer

بصي ممكن انهارده تحسي فعلا انها مقفله بس لا تدري لعل الله يحدث بعد ذالك أمرا ممكن التنسيق ينزل أو عامتا والله اي كليه تجيلك ادخليها اسم الكليه مش مهم المهم انك تشتغلي علي نفسك ده  ال بيكسب فعلا فيما بعد

Strawberry_21027 🇪🇬 · Answer

ياارب 
شكراً بجد

Strawberry_21027 🇪🇬 · Answer

حاضر

French Fries_20904 🇪🇬 · Answer

(لا تَخَفْ ولا تَحْزَنْ إنّا مُنَجُّوكَ)
(لا تَحْزَنْ إِنَّ اللَّهَ مَعَنَا)
(الَّذِي خَلَقَنِي فَهُوَ يَهْدِينِ)

Broccoli_21025 🇪🇬 · Answer

كمان مفيش حاجه اسمها كليات قمه.. 
القمه الحقيقه انك تبقى قمه وتتميزى ف اى كان المجال او الكلية الى هتدخليها..

فبلاش تبصى الموضوع من الزاوية دى حطى قدامك ان ربنا بيختار ليكى الاحسن والافضل.. 
وهيعوضك قريب تعبك مرحش ربنا مبيضيعش تعب حد..

لكن عليكى بتلات حاجات الصلاة ، الصبر ، الدعاء والاستغفار

وحقيقى هيفرقوا معاكى وربنا يسعدك ويجبر بخاطرك يارب ♡

French Fries_20904 🇪🇬 · Answer

اختيارات ربنا مفيش اجمل منها الحمدلله🤍

Orange_21026 🇪🇬 · Answer

مافيش حاجه بتاعتنا بتروح لغيرنا وحتي لو راحت ربنا هيراضيكي متقلقيش هتلاقي حاجه أحسن مليون مره من حلمك مافيش حد معندوش حلم نفسه يحققه بس احنا منعرفش حلمنا دا مناسب لينا ولا لاء بس ربنا أعلم مننا 
ولو ان محدش حاسس بيكي ف انتي مش لوحدك ف اكتر من ٤٠٠الف بنى ادم خسروا أحلامهم وبرده كان نفسهم يتعوضوا بس اكيد ربنا عاملهم حدوته احلي قصه يحكوها للي بعدهم وهما بيحمدوا ربنا ع اختياره 
متعرفيش حكمه ربنا فين

Orange_21026 🇪🇬 · Answer

وافتكري ان حلمك دا اختيارك نتي بس اللي هيجيلك اختيار ربنا ليكى اللي اكيد مش هتلاقي فحكمته  عارفه انك كنتي متعشمه ف ربنا بس ربنا اكيد له حكمه وشايفك ف مكان احسن ولو علمتم الغيب لأخترتم الواقع اصبري وارضي ب اختياره ليكى وكل متضعفي فكري نفسك انه اختيار ربنا ليكى يحبيبتى 
اللي بيروح مننا ميبقاش خير علشان الخير مش بيضيع ولا اللي لينا هيروح لغيرنا 
وربنا ان شاء الله يعوضك خير واحسن من اللي كنتي بتحلمي ب