مش عارف أتعامل مع كلام أهلي السلبي بعد التزامي

Question

السلام عليكم ورحمة الله وبركاتة ازيك يا شباب انا لسه جديد هنا ف اعذروني لو بنزل حاجات كتير هو الموضوع بختصار ان انا لسه ملتزم جديد قبل الالتزام كنت حاجه وبقيت حاجه تانيه كنت بمارس عاده سريه و مبصليش و بسمع اغاني و بتفرج على افلام و مسلسلات و عايش ضلال في ضلال وجت عليا فتره كنت علي حافة الانتحار بس في ليله معينه كدا قررت ان الالتزم و الحمدلله بقالي سنتين المهم دلوقت مبقاش حد مستحملني عشان ربيت لحيتي و بطلت اسمع اغاني و اتفرج علي مسلسلات و افلام و مبخطلتش ب النساء و محافظ على الصلوات بس اهلي مخوفني بيقولولي ممكن يخدوك بس انا مكمل زي ما انا بس بقيت بسمع كلام سلبي زي يعم الشيخ و يا اخواني و يا متطرف من اهلي ف البيت و قرايبي ومش عارف اعمل انا بقالي سنتين مستحمل الكلام السلبي ممكن حد يساعدني ف ازاي اتأقلم مع الكلام السلبي ده

Strawberry_25620 🇪🇬 · Answer

ملكش دعوه بحد🤷🏻‍♀️ 
ما يولعوا بكلامهم هوا في حد من اللي بيقولك كلام ده هيتحاسب مكانك!!!انت اللي هتشيل ذنبك وهما كذلك كل واحد هيشيل ذنبه.. 
ومن ناحيتك انت خليك ملتزم بس افتكر ان ديننا دين يُسر يعني لو في حاجات شادد فيها اوي وفي مجال انك ترخي شويه مفهاش مشكله طالما في الحدود👏🏻
ربنا يثبتك يارب

Avocado_60231 🇪🇬 · Answer

والله انا لا شادد ولا حاجه انا بعمل بما أمرنا لله و رسوله بس هما الحلال بنسبهلهم بقا سهل + انا الكلام مش فارق معايا بس ان دول اهلي و مش هقدر اكلم معاهم و كاتم جوايا دي الي تعباني

Strawberry_25620 🇪🇬 · Answer

ونعم بالله .. ما يقولوا زي ما هما عايزين حتى اهلك دول مش هيتحاسبوا مكانك😂ماتركزش المهم انك تبقا راضي عن نفسك وبتعمل اللي يرضي ربنا وبس اي كلام بيتقال بقا دي اعتبرها اضافات كده تزودك ايمان انك ماشي في الطريق الصح ما تزعلكش بالعكس دي حاجه تخليك فخور بنفسك..هوا حد يطول اصلا؟ ماتخليش العبث اللي بيتقال يأثر عليك بربع جنيه ده مجرد شيطان عشان تتراجع شويه لحد ما تقع

Pistachio_56798 🇪🇬 · Answer

اول حاجه ربنا يرزقنا الثبات يارب و الهداية و السداد
أهم نقطة اوعى الشيطان يخدعك و تتصادم مع أهلك و يبقى كل اللي عملته راح علشان العقوق
عادي انت مش لوحدك و هتلاقي كل الشيوخ بتتكلم عن نقطة اعتراض الأهل دي
ملهاش حل غير انك تقولهم معلش و تسايسهم و مش كل مرة تكلمهم بالدين ان دا فرض كلمهم بلغتهم و قولهم انا فالأول كنت بعيد و بسمغ اغاني و مش بصلي
انا دلوقتي احسن ادعولي و ساعدوني علشان خايف ارجع تاني

Pistachio_56798 🇪🇬 · Answer

كلمهم بلغة الدنيا شوية و بالدين شوية و متاخدش دور الداعية برضو كل م تعرف تتجنبهم تجنبهم
و بعدين لازم تشتغل على معاملاتك
لأن هما عمرهم م هيقتنعوا غير لما تبقى فعلا بقيت احسن و اعقل و هادي و بتبرهم و بتنفذ كلامهم و بقيت شخص احسن و شوية شوية هيشجعوك هما عالطريق
متخافش انت مش لوحدك
كان بيحصل معايا نفس الموضوع لحج دلوقتي والدتي  خايفة عليا بس برضو بتيجي تسألني ف المسائل الدينية

Pistachio_56798 🇪🇬 · Answer

متفهمك بس بلاش تشحنيه على أهله مش من الحكمة ولا المنطق انه يحطهم قصاده و يقول كل واحد يشيل شيلته
اسمع دروس كتير و افهم و اعرف
و صدقني مع الوقت و عن تجربة كله هيتقبل و هيستعينوا بيك و تكون سبب ف انهم يقربوا لربنا

Strawberry_25620 🇪🇬 · Answer

بس في اهالي مستفزه وقدام عيني ولانهم اهلك اصلا اكتر حد بتختلط بيهم يعني سهل اوي يتأثر بيهم ويرجعوه كام خطوه ورا وعلى ايه بجد؟ ما كل واحد هيشيل شيلته فعلا 🙂‍↕️

Chocolate_57201 🇪🇬 · Answer

عرفت تبطل العاده ازاي؟

Avocado_60231 🇪🇬 · Answer

بحاول والله مركزش في كلامهم والله المستعان

Avocado_60231 🇪🇬 · Answer

الفكره انهم مش عجبهم كدا ولا كدا مش بتصلي و في طريق ضلال مش عاجب بتصلي و حالك زي الفل مش عاجب

Avocado_60231 🇪🇬 · Answer

والله انا مش بتعامل معاهم علطول لأن تقريبا بقعد في الشغل ب ١٤ ساعه و اروح انام شويه و انزل الشغل بس ف خلال الفتره الي بقعد فيها ف البيت دي الي بيحصل فيها الاختلافات + كل ما تسألني سؤال ديني ف حاجه مش علي كيفها و اجبلها دليل من القرآن و السنه تقعد انتا بتفهم انتا بتحرم الحلال و كلام من ده كتير

Avocado_60231 🇪🇬 · Answer

ب الصلاه اول ما بدأت التزم في الصلاه مع أول اسبوعين لقتني بطلتها بدون ما اخد بالي حتي

Strawberry_25620 🇪🇬 · Answer

ولا هيعجبهم.. يبقا عاملهم بما يرضي الله والف شكر ع كلامهم