انا واهلي متعودناش أن احنا نقول كلام حلو لبعض خالص ف لما حد فيهم يتعب أو يمر بوقت صعب بيبقى جوايا كلام كتير اوي أقوله و مبعرفش اقول حاجه و مش هم بس ناس كتير اوي بكون عايزه احضنهم او اقولهم كلام حلو و مش بقول حاجه كأن في حاجه مكتفاني و منعاني عن الكلام و برضو مبعرفش خالص اتعامل مع الاطفال ولا اتكلم بحنية و الاعبهم كده مع اني من جوايا حنينه و طيبه جدا بس مش بعرف اوصل ده خايفه بعدين معرفش اعبر عن حبي لولادي كمان

انا نفس المشكله بردو، بس مؤخرا بدأت اخد خطوه تجاه الكلام كنت بتحرج او مبعرفش اعبر بدأت اقول اللي فقلبي شويه شويه حتي لو مش مفهوم لحد محسيت ان الموضوع عادي ومفهوش احراج، بس لحد الآن مبقدرش اتقبل الاحضان او التلامس وبحس اني هتعدى علي خصوصيه الناس او العكس ، والاطفال بقا مشكله أكبر لأني المفروض ان شغلتي كلها تعامل مع اطفال وانا بجد مبعرفش اتعامل

ازاي اعرف اتعامل عادي مع ابن خالتي رغم اني حسيت مشاعر ليه وابتسم لما اشوفه او تيجي سيرته كلها كام سنة وانزل الجامعة وانا مش عارفة اتمل ايه رغم اني فكرت ابعد عن اي زيارة الى خالتي ياريت تساعدوني

اهتمي بدراستك أكتر ولما تشوفيه بلاش تبصي ليه خليكي مش مهتمه علشان النظرات دي بتتفهم

اخويا مش بيشارك في الفرح.. إزاي أساعده؟

Potato_20230 🇪🇬's منشور

Potato_20230 🇪🇬

منذ 10 أشهر

شعور قلق

انا كنت في فرح لاقيت اخويا قاعد معانا عالتربيزه و مش بيقوم يرقص زي الشباب ف هو صعب عليا اوي انه مش متفاعل زي الشباب و ان نظره الشباب بتكون مختلفه و بيعاملوه بالطريقه الرسميه لدرجه انه بيبان عليه الضيق انهم مش بيتعاملوا معاه زي صحابهم ( ف هو نظرتهم ليه عامله ازاي و اازاي اقدر اساعده )

لا يمكنك رؤية أي نصيحة على هذا المنشور لأن الناشر اختار تلقي النصائح بشكل خاص. إذا كنت ترغب في مشاركة نصيحتك، ببساطة اكتبها في المربع أدناه.

التجربة أفضل عبر التطبيق

حمّل تطبيق توهيل على هاتفك لتجربة أسرع