مااريد نصيحة بس أفضفض حتى اشوف مشكلتي بعد فترة.. اكتشفت اني اخاف من نفسي.. مااگعد وياها واسولف وياها.. وحتى هسه جاي افضفض هنا لأن مااريد افضفض لنفسي احب الشو زيادة عن اللزوم، يمكن لازم اصير مشهورة xD اذا بقيت وحدي .. اتخيل جمهور معين "اقارب او اصدقاء اعرفهم" متجمعين يمي بالغرفة واظل اسولف وانكت وياهم واظهر مهاراتي الكوميدية او اتناقش وياهم واتعارك واضوج xD لما اسمع شي بالهيدفون، استخدم هالشي كتشويش واكعد افكر وافكر واتخيل واتخيل يعني ماانتبه اصلا شنو جاي اسمع! يعني كأنما اضيف جو درامي وموسيقى للقصة مالتي xD نرجع للشو... لما اتخيل ان يصيرلي شي مثلا لنقل ان اتعارك وي صديقتي، او احد يجي يعترفلي xD او اي شيء اخر احب اتخيل ان اكو جمهور.. يعني ماكو هالشي وحدي ولما يختفي الجمهور يروح الشغف.. ماادري ليمته بدا عندي هالشعور يمكن من الطفولة مع اني ماجنت اتابع مسلسلات بالصغر.. ان لما اسوي شي مااسوي لنفسي بس، احس حياتي مراقبة مثل كأني عايشة بتلفزيون والناس تشوفني فجملي تكون درامية وهدفها جذب انتباه المشاهدين xD الموضوع يضحك بس هو مزعج.. ماادري ليمته يجي اليوم اللي يروح التخدير عن دماغي، وارجع افضفض لنفسي مو للجمهور الوهمي اللي بدماغي.. الموضوع ما مأذيني بالظاهر انه عايشة حياتي زي الفل، بس اريد اتغير "❤️"

4

0