بجد حاجة غريبة شوية بس أنا بجد حاسس اني منافق أنا طول عمري مع المقاطعة، وشايف أي حد مش مقاطع يبقى معندوش ذرة دم أو نخوة أو إحساس، وطول عمري بفضل انزل ستوريز عن الحوار دا، بس جیت في وقت أنا مدرستي بعيدة عني ومفيش باصات ف اني اروح بعربية دا كان غالي جدا، ومواصلتها مكانتش سهلة خالص ف مكنش في حل غير uber shuttle فضلت على قد ما اقدر بصرف من مصروفي علشان اروح بأي حاجة غير اوبر لحد ما خلص ف بدأت استعمل اوبر اللي هو الباص وكان اريح بكتير وارخص بس بجد حاسس بالذنب اوي علشان أنا عارف إن uber مقاطعة بس يعني عمال افكر إن مكنش في حل غيره، في نفس الوقت عمال بفكر طب ما لا انت كان ممكن تتبهدل شوية زيادة وتروح بالمترو عادي ف مش عارف بجد اللي عملته دا ايه يعني بس بعد خبر استثمار اوبر صراحًة في شركة اسرائيلية مسحته ومسحت الاكونت والحمد لله و كدا كدا بقالي كام اسبوع مبروحش المدرسة اصلا، بس بجد حتى مع كد أنا لسة حاسس إني منافق بجد ويعني مش قادر ارجع اشیر ستوريز زي الأول والفكرة إن في حد من اللي اعرفهم شافني صدفة في الباص دا ف لو شافني منزل ستوري عن مقاطعتهم التفكير الزايد هيشتغل بقى و هفضل افکر انه بيقول عليا منافق وبوشين وكدا بجد مش عارف اعمل ايه في الحوار دا او ازای اشیله من دماغي

0

2