بحس إني هبله أوي وقت إعجابي بشخص 😭🤷🏻‍♀️

Q: مشكله كبيره وندم بعد الفراق.. هترجعوله ولا لا؟

ردى بكل صراحة لا مترجعش ١ شكاك ٢ عصبى ٣ بياخد قرارات من غير ما يفكر ٤ بيقول الكلمة ويرجع فيها 😅مع العلم كلمة كل شيء قسمة و نصيب كلمة كبيرة ف مش بالسهل انك ترجع فيها ٥ و هى مهمه بالنسبة لناس و ناس لا انه اصغر منها انا شايف انه ف المستقبل ممكن يعمل بلاوى بالصفات دى بس براحتكم انتم ادرى طبعاً لانكم ال عايشين الموقف

Q: قلبي دايب من فراق أغلى الحبايب

أغلى الحبايب اللي عن حياتي غايب لو عدى عمري كلو مش هانساه وحياة غلاوتو قلبي من فراقو دايب وحشاني دنيا عشت فيها معاه مهما في حياتي العمر فات فاكرا لو أجمل ذكريات جوايا حاتعيش بالسنين لسا الحنين في القلب ليه دا اللي إحنا عشنا ليالي فيه في العمر ما يجيش مرتين مهما هاقابل بعد منو ناس كتيره لسا اللي بينا في قلبي زي زمان والله ما ليا في الدنيا دي غيرو سيره عمري ما عز عنو روحي كمان

Question

من و أنا صغيرة تقريبًا عندي الحوار دا، لما بعجب بشخص(مجرد إعجاب مش حب)مبعرفش أتحكم في نفسي مش عارفة بيحصل إيه(مش بيحصل حاجة أوفر يعني) بس ببقى هبله أوي و بتصرف بهبل و غباء و بدون تفكير بجد، لحد دلوقتي بفتكر أي موقف عملته و ببقى عايزة أرجع و أصلح الهبل دا😭🤷🏻‍♀️.. 
هو ممكن ميكنش هبل أو حاجة بالنسبة لأي حد، بس مش عارفة بحسه هبل أوي أي تصرف عملته ساعتها و ملهوش أي تلاتين لازمة..
يمكن عشان كبرت؟ 
بس لا ساعتها حتى بعد أي موقف كان بيحصل كنت باعتب نفسي..

Durian_52455 🇪🇬 · Answer

العاطفة بتغلب العقل لما يحصل إنجذاب
فبالتالى قدرتك على التحكم فى نفسك وفى ردود أفعالك بتكون أصعب ما يمكن لحظة الموقف
لكن الغريب هو إن بعد ما الشخص يمشى والموقف ينتهى واليوم يعدى.. بتكونى لسه فاكرة تفاصيل غالبًا محدش بياخد باله منها غيرك

Durian_52455 🇪🇬 · Answer

وعيّك بـ ذاتك ضرورى
-ليه ؟
لإن زى ما انتى كتبتى بصوابعك فوق.. سنك كِبر
الطفلة اللى كانت بتتصرف بعفوية زمان ومكنتش بتاخد بالها من كلامها مش هينفع يستمر لحد نهاية العُمر
خصوصًا إنك بعد كام سنة هتبقى مسئولة عن نفسك وعن ناس تانية حواليكى
إفهمى مشاعرك وتعمقى فى دراسة شخصيتك بشكل أنضج
علشان يكون عندك معلومات كفاية تساعدك على عدم لوم ذاتك بشكل مستمر بدون سبب يستحق!

Strawberry_29946 🇪🇬 · Answer

أنا مش عايزة العفوية ديه تروح، بس تروح في المواقف ديه بالذات..
طيب أفهمها ازاي؟

Durian_52455 🇪🇬 · Answer

اكيد العفوية بتحافظ على الطفل اللى جواكى، لكن فيه ناس لازم تكونى معاهم بين العفوية والجد
وناس تانية جد بس،

وعلشان العفوية تروح فى مواقف معينة.. محتاجة إنك تفكرى ٣ ثوانى فالكلمة قبل ماتنطقيها
هل دى مناسبة للموقف ده ولا لا ؟
طيب هل لو اخدت راحتى فالكلام هندم بعدين ؟

ضرورى إنك تكونى مقدّرة كويس قيمة الموقف اللى انتى فيه علشان تعرفى تتصرفى فيه صح

Strawberry_29946 🇪🇬 · Answer

ما عشان كدا مكنتش بتكلم مع حد كتير، عشان بعدين مقلش ليه قلت و ليه مقلتش و المفروض كنت أرد بكذا و كذا..
بسمع أكثر..
دلوقتي مازلت بسمع بس بقيت بتكلم بردوا، بس لازلت بحب أسمع أكتر..

Durian_52455 🇪🇬 · Answer

عادى اتكلمى
واغلطى

بس لما يتكرر الموقف مرة كمان.. قولى الصح وبلاش تسكتى ❤️

Strawberry_29946 🇪🇬 · Answer

شكرًا جدًا🌸