أنا بحترم الشخص اللي عنده إيمان وبيفتخر بدينه وبيحب دينه وماعنديش أي مشكلة معاه، لما يقولي والله أنا مش بشرب كحول مثلاً لإن ديني بيمنعني. ديني بيمنعني أعمل كذا أو كذا أو كذا، هحترم ده جداً. مشكلتي بتبدأ مع اللي بيقولوا ديني بيقولك أنت أعمل كذا، لحد هنا وأقف، أنت مش شايفني إنسان بالغ عاقل واعي؟ كل واحد هيتحاسب لنفسه وكل واحد حر يعيش حياته زي ماهو عايز طالما مابيأذيش حد وفي حاله. فياريت الناس تبطل تنظير على بعض وتتدخل فيما لا يعنيها. مش عاجبك الناس وتصرفاتهم أتجنبهم ياسيدي، مش عاجبك الأغاني والموسيقى اللي على فيديوهات الأنترنت ماتسمعلهاش أو تخطاها لكن مش من حقك تقول لحد ماتعملش كذا، أمسح محتواك، ألبس كذا وماتلبسش كذا، ماترسمش علشان حرام، ولا نروح لليفل أعلى من النطاعة والدروشة ونتهم الناس في شرفهم ونسبهم علشان لبسهم ولا مظهرهم غير مناسب مع معتقدك ومبادئك أنت.

7

8