انا في صدمه ما بعدها صدمه كان في شخص اتعرفت عليه من ابلكيشن معين و اضطريت اننا ناخد ارقام بعض و نتكلم عشان حاجه معينه كان بيساعدني فيها المهم اننا كنا سعات بنخرج برا الموضوع ده و نتعرف اكتر و نرغي فاي حاجه و نهزر و كده المهم اني ادايقت من نفسي اني عملت كده و قولتله ان انا حاسه اننا تعدينا حدودنا مع بعض وان احنا كنا متفقين اننا هناخد ارقام بعض عشان الحاجه اللي كان بيساعدني فيها و هو سعتها ادايق مني و كان بيتكلم بطريقه تبين كده المهم ان احنا لما قولتله كده بطلنا كلام خالص مع انه كان محترم و معملش اي حاجه سعتها تأذينيبس كل فتره و فتره بيبعت يطمن عليا و على الحاجه اللي بيساعدني فيها ، جيت من كام يوم نزلت الابلكيشن اللي كنا انتكلمنا عليه اول مره و سجلت نفسي بأموجي يعني مكتبتش اسمى و لقيته بالصدفه و بعتلي و عرفت انه هو عشان قالي معلومات عنه يعني و فجأه لقيته بيقولي كلام قليل الادب اوي بجد انا واخده صدمه حرفياً لانه كان محترم اوي وهو بيكلمنى لما اخدنا ارقام بعض و لما اتكلمنا على الاب ده تاني من غير ما بعرف انا مين فضل يقول كلام بجد زباله اوي و كميه سفاله و قله ادب و كلام جنسي و حاجه قرف و حرفياً انا كان اليوم ده قلبي مقبوض و حاسه ان في حاجه وحشه هتحصل و حصل الحوار ده سعتها و فضلت اعيط و مش عارفه اعمل ايه

الي حصلك خير ليكي وربنا يصلح حالك 🤍🤎

اتخدعت من ناس قريبة وبأخذ على قفايا بس اتعلمت

Q: المجتمع مش كله كويس بس يلاقي حد كويس

كل مره بتأكد ان المجتمع دا م لازم يكون كله كويس وم لازم يكون كله بيحب الخير للتانى بس الى لازم فعلا ان الانسان الكويس يلاقي حد كويس يعنى دى اقل حاجه م شرط خالص يكون الكل م طايق بعضه وم بيحب الخير للتانى و عايز مصلحته انا م بقول مصلحتك م مهم بس م كل العلاقات تكون مصالح ع الاقل متخدعش الناس ف فعلا ناس كويسه وسويه بس الى محاطين بيهم م كدا ف بلاش بجد نكون من النوع دا عشان دا م جزاة الى بيخاف يأذي حد او يجرح حد ف ناس تستاهل الخير بجد فياريت نراعي بعض ونعدى يعنى كلها شويه وهنتكل بلاش نسيب اثر زفت عموما عشان الناس وانا جبنا اخرنا اقسم بالله

Strawberry_36317 🇪🇬's منشور

Strawberry_36317 🇪🇬

منذ 5 أشهر

شعور Bored

موضوع:

اتخدعت ف حد قبل كدة؟

انا عايشه اتخدع لأن كل البيحصل ده من الناس والقريبة كمان مش شويه..اتخدعت من صحبتي واتخدعت من شخص مش كويس بوظلى نفسيتي ..واتخدعت من كل حد بقابله وللاسف انا السبب انا البديهم الاهتمام الكبير وباجي على نفسي عشنهم كتير وباخد على قفايا فى الاخر بس الحمد لله اتعلمت ومثلا صحبتي دى لما شفتها فى الشارع بعدها سلمت عليها عادى ولما قالت نرجع قلتلها البيخرج برا حياتي مبيرجعش