بدور على حد أفضفض معاه ولو بحبة

Coffee_77026 🇪🇬

منذ يومين

شعور محبط

دايما محتاجين فى حياتنا حد نفضفض بس معاه نطلع حتى ولو حبه من اللى جوانا عشان نقدر بس نكمل حتى لو مش هتقول اللى مضايقك لكن بس مجرد انك تتكلم حوالين الموضوع ده هيخفف من عليك بس صعب تلاقى الحد اللى تقدر تتكلم معاه كده وانت اصلا مش من عادتك انك تتكلم مع حد وتحكى اللى مضايقك دايرة صعبه ومقفوله وبنتوة فيها

أنا مش قوية قد ما يتخيلوا.. ضعيفة من جوا

انا كنت حد طموح جدا وكنت اكبر مثال للشغف والطاقه الايجابيه من وانا صغيره ،واحلامي وطموحاته كبيييره علي الوضع اللي اتولدت فيه والبيئه اللي انا منها،وكنت مؤمنه اني مش اي حد كده وخلاص اكيد ليا دور اتخلقت علشانو ، وصلت لوضع لا بأس به من حيث الشغل واني قادره اعتمد على نفسي ف كل حاجه ، مش ديما الواحد بيحب يعتمد علي نفسه ف كل حاجه وخصوصا لو انتي بنت ، محتاجه تحسي بالسند والنقطه دي بصراحه كسرتني قوي ،بابا ربنا يبارك ف عمره موجود بس كأنه مش موجود 💔أنا حتي مش عارفه اعبر عن اللي جوايا بالكلمات، ديما اللي حواليا شايفيني اني قويه وقادره أشيل مسؤوليه بس ف الحقيقه انا أضعف من كده بكتير وكل حاجه بتحصل معايا والظروف اللي اتحطيت فيها والمواقف الصعبه مستاهلهاش ابدا ،انا كنت بحلم اني مكونش حد مجرد عادي ويكون ليا شخصيتي وف الغالب بدفع تمن الحلم ده. انا حاليا وحيد جدا رغم وجود اللي حواليا ، وسائله كتير قوى واكبر من طاقتي ،كل م بحاول ارجع شغفي برجع والرجعه بتكون أصعب من اللي قبلها ،حيلي اتهد ،كل اللي عندو مشكله بيجي يفضفضلي علي اساس اني العقل الرزين اللي يعرف يحل ويواسي ، وانا من جوايا ما يعلم بيه الا ربنا ، أنا حتي ماما اللي كنت يحكيلها وانا صغيره بقيت مش عارفه أفضفضلها بحاجه عشان متدايقش وتشيل همي 💔وبكتفي بالكتمان ، ومكمله ومش عارفه آخرة اللي انا فيه ده ايه ...عرض المزيد

0 الدعم

3 نصيحة