التطبيق خلاني أشعر إني مش لواحدي في المشاكل

Question

أيوة فادني جداً وحابب فكرته.
التطبيق بيفكرني دايما لما يتملكني اليأس إني مش لواحدي وإن كل واحد عنده مشكلته اللي مش عارف يحكيها قدام الناس.
وعرفت إني شاطر في تقديم النصيحة للناس بس مش بعرف أنصح نفسي ✋🏼😂

Sugar_49831 🇪🇬 · Accepted Answer

اكتشفت ان ساعات الانسان بيكون محتاج زقة بس عشان يعمل التصرف الصح او يبطل تصرف غلط 
وان ساعات تاثيرنا على الناس بيكون اكبر بكتير من تاثيرنا على نفسنا لان تاثير الانسان على نفسه ارادة لكن تاثيره على حد تانى تشجيع وكلنا بنحتاج دة 
اتعلمت ان اختلاف الاراء مش معناه ان لازم راى منهم يكون غلط بس كل موقف بيحتاج تصرف مناسب ليه 
اكتشفت ان مهما كنت مفكر انك بتعانى ففى ناس عندها مشاكل وهموم اكبر بكتير

Sugar_49831 🇪🇬 · Answer

اكتشفت ان معظمنا عنده فجوة كبيرة وبعد عن ربنا بس مننا اللى بيجاهد ويحاول ومننا اللى لسة محتاج تشجيع اكتر وصبر فمنبخلش ابدا بنصيحة مهما كانت تافهة وتاثيرها بسيط بالنسبالنا متعرفش تاثيرها على الشخص دة هيكون ازاى 
كمان معظمنا عنده عقدة ما من ناحية اهله وبتختلف من حد للتانى وانها بتعتمد على تحمل ونفسية الابن واللى انا ممكن استحمله غيرى لا 
وان تربية وعقلية الاهل هى اول طوبة عشان تبنى اسرة صح

Coffee_40196 🇪🇬 · Answer

اختلاف الآراء مش معناه إن لازم رأي منهم يكون غلط.
الجملة دي اول مره أسمعها وافكر فيها. عظيمة جداااا

Sugar_49831 🇪🇬 · Answer

✨👌🏻🌿