أول مرة أحس بالقهر بجد.. المرتب اتأخر جامد

Potato_77746 🇪🇬

منذ يومين

شعور ضاق ذرعًا

الشهر دا اول مره احس بالقهر بجد بشتغل فى شركه والقبض اتأخر جامد انا لحد النهاردة مقبضتش شهر ٩ وبكلم المدير مبيردش عليا ولا على مسجاتى اتصلت على شريكه وقولتله انى عايزة اقبض لقيت المدير بعدها بيكلمنى مسجات وبيقولى بكره انزله مكان ماسكينه كشغل واخد المرتب كاش عشان معهوش يحولى ولما رديت عليه اشوف هنزله الساعه كام مردش عليا لحد دلوقتى وبتصل بيه مبيردش والله صعبت عليا نفسي بجد انا لو بشحت مش هتعامل المعامله دى المرتب بيتأخر كل شهر بس مش للدرجه دى وقبل كدا كنت هسيب الشركه ومرضيش وزودلى المرتب بس انا بجد مش مستحمله ولما قررت اسيبه بابا مرضاش يدينى فلوس ولا بيصرف عليا ودا اللى خلانى اشتغل اصلا انا بتكلم من خنقتى وضيقتى والله لانى مش لاقيه شغل تانى لحد دلوقتى ولا عارفة اتصرف معاه ومبيردش عليا وانا من كتر ما الموضوع جاى على كرامتى مش هتصل تانى والله صعب اوى الاحساس اللى انا حساه جوايا دا حسبي الله ونعم الوكيل فى اى شركه تستحل تعب موظفينها وتستحل تيجى عليهم بالشكل دا

جوزي بيقلي طلقني وعيلته بتمنع اختي من زيارتي

المهم انا لما كنت قاعده عند ماما كده قولتله من قلة اهتمامه واهماله ليا طلقني فضل يقولي هطلقك بس لما تقفي علي رجلك علشان ميقولوش طلقها علشان تعبانه المهم لما كلمت اختي كده جات لي تاني يوم علشان تشوفني وتطمن عليا وسلفتي جت في نفس الوقت فاختي بتقولها الحمد لله اني متجوزتش هنا مش قايله لهدى جوزك كان بيقول لي الشقه جاهزه فوق تعالى نتجوز وتبقي قدام اختك وبعدين كانت اختي في ثانيه اعدادي وقتها طبعا هي بتقول الكلام ده دلوقتي وهي في ثالثه ثانوي يعني ما عدتش لسه 18 سنه فمعنى كده ان هي لسه عيله تمام بس فسلفتي راحت قالت لجوزها انت طالما هي عاجباك ما اتجوزتهاش ليه الكلام ده كله راح جاي قال لها يا بنتي اتجوز مين ده عيله صغيره فجوزها راح قال لجوزي وجوزي قال لاختي قال لها ما تجيش الفتره ديت معلش عشان خاطر المشاكل وكده لحد بس ما الدنيا تهدى فعلا اختي قعدت اسبوع ما تجيليش رغم ان انا تعبانه وعندي جلطه ما بعرفش اطلع وهي كانت بتقضلي كل حاجتي المهم عدى اسبوع واختي جات لي وانا ما كنتش اعرف انها جايه ببص لقيتها قدامي فوق في الشقه المهم هو طلع واتكلم معاها تاني وخلاص قفلنا الموضوع وانها مش هتيجي ببص لقيت ثاني يوم اخته بتتكلم معاه في نفس الموضوع قال لها ده هي جايه عندك اهي اتكلمي معاها طبعا احرجني هي فضلت تقول لي بقى معلش ما تخليش اختك تيجي ومش عارفه ايه عشان خاطر ما حدش يغضب والثانيه تغضب بردو بسبب نفس الحاجه فقولتلها ماشي وعدى فعلا ثلاث اسابيع واختي ما جتليش ولا كانت بتيجي ناحيه بيتنا هناك المهم انا جيت نازله البيت كله قاعد تحت واختي نازله معايا لقيتها بتزعق لي ودولي تعالي لي هنا روحت لها انا مش جاي تقول لي ايه اللي انا شفته بعيني ده قلت لها لو انت قصدك على اختي فاختي كانت جايه تجيب لي حاجات قامت جايه تقول لي مش انا قلت انها ما تدخلش من باب البيت قوم تيجي قايله لها مش انت اعتراضك ان ان هم يتقابلوا او يحصل مشكله قالت لي انا اعتراض ان هي تخش من باب البيت وقالت نفس الكلام قدام جوزي بس بس ما قالتش ادامه اختي ما تجيش كل اللي قالته قدامه انك انت ما تقدريش جوزك وانت ما بتقدرينيش الكلام ده كله وانا كده كلامي معاكي خلص مش متكلمه معاكي تاني وراحت جايه ايه سايباني وماشيه قالت لي انا مش هتدخلك في اي حاجه بينك وبين جوزك ورغم ان انا كنت عندي جلطه ما كلمتنيش لا هي ولا مامتها أسفه إني مطوله في الكلام بس لازم احكي القصه كامله علشان تدوني نصايح ...عرض المزيد

0 الدعم

6 نصيحة