مشكلة صحاب

Strawberry_20568 🇪🇬

منذ 4 أشهر

شعور محبط

عبّر عن شعورك بشكل مجهول

جماعة انا اكتشفت اني بحب اذاكر في تجمع يعني يكون معايا حد بنذاكر سوا حتى لو هو بيذاكر لوحده وانا بذاكر لوحدي بس فكرة أنه قاعد معايا على نفس المكتب و الجو اللي بينا مذاكرة و دراسة ده انا برتاح فيه و بتحمس اوي بس للاسف بردو اكتشفت اني زيرو صحاب ، صحابي اللي من ثانوي وكده بعدنا عن بعض لسبب اني مش بكون مرتاحة وانا مهمشة وسطهم ولما دخلت الكلية بقى معايا اتنين من مدرستي وكده بس مش بيفهموني ولا انا عارفة اتعايش معاهم نهائي بس كل اللي بينا أننا بنروحوا الكلية سوا و نرجعوا سوا و في واحدة صاحبتي بردو نفس كليتي بس محافظة تانية هي اللي كان ربطني بيها حفظ القرآن بنروحوا سوا وكده و ممكن نخرجوا سوا وبتاع و تعتبر هي أقرب واحدة ليا في اللي اعرفهم دلوقت بس مش القرب اللي يخليني اطلب منها حاجة لأن ليها صحابها و شلتها بردو وانا هتكسف اطلب منها وكمان ساعات بتكون كسولة ف لو قولتلها نعملوا كذا و قالتلي مش قادرة أو مكسلة بتكسف الح عليها عشان متقلش ف انا مبقيتش عارفة اطلب من مين يكون معايا و فكرت اروح مكتبة اسكندرية اذاكر فيها روحت مرة قعدت زي نص ساعة و مشيت عشان حسيت بخنقة شوية انا منتقبة ف فكرة اني افضل وقت كبير بالنقاب خنقتني شوية و مرتاحتش ف مبقيتش عارفة اعمل اي حاسة أن دماغي رافضة حتى الحاجة اللي هتريحني 
لو حد يعرف اماكن سبيس للمذاكرة أو زي فكرة مكتبة اسكندرية كده بس في دمنهور يقولي ضروري لأن كليتي هناك و هتعتبر فرصة كويسة اني احاول تاني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_32857 🇪🇬

منذ 7 أشهر

شعور وحيد

Kiwi_34583 🇪🇬 في ناس حلوه اوي هنا في التطبيق انت كونت صدقات كتير من هنا

عرض الكل 11 نصيحة

عبّر عن شعورك بشكل مجهول

انا عندي مشكلة، من وانا صغيرة وأنا مليش صحاب خالص يعني مليش حد احكي معاه أي حاجة كلهم كانو وقتهم وخلاص  وهم اللي كانوا بيعتبروني كده مش أنا قعدت مع صحابي في المدرسة 12 سنة ومفضلش حد منهم معايا خالص، مكنش في حد فيهم بيحكيلي على حاجة او يعزمني على حفلة او أي حاجة كنت دائما لوحدي حتى في الانشطة اللي كنا بنعملها برضه كنت ببقى لوحدي. عدت السنين وقولت لنفسي هتلاقي صحاب في الجامعة وهتعوضي اللي حصلك واصبري. حصلي مشكلة اسرية جامدة أوي اثرت عليا اكتر ما أنا متأثر عليا، ملحوظة أنا مكنتش كده وانا صغيرة بالعكس أنا كذا حد يقولي انه بيحب يقعد معايا واني عندي جاذبية وكده فا اللي هو أنا مش مريضة ولا فيا حاجة علشان يبعدو عني ولا توكسيك مثلا بالعكس يعني. المهم دخلت ثانوية عامة و الموضوع كان صعب عليا جدا بجد لأني غيرت مدرستي ودخلت مدرسة تانية فا كنت بروح دروس كده زي أي حد يعني واتعرفت على شوية بنات وكانو وقتهم برضه وانا كنت عارفة كده. المهم دلوقتي أنا في الجامعة بس مش عارفة ايه اللي حصلي بقي الموضوع معايا اصعب واوحش مبقتش عارفة اتكلم مع حد بمعنى الكلمة ولما جيت أتعرفت على حد كانت شلة كده بنات وولاد و الموضوع كان لذيذ في الأول. كان معانا بنت كده دبت معاهم خناقة وانا دخلت في الخناقة بالغلط كده علشان بقف جنب صحيتي وحده وخلص الموضوع على أننا بعدنا عن بعض خالص والشلة اتفركشت ودلوقتي ما تبقاش غير أنا وواحدة صحبتي بس وانا بقى من ساعتها مش عارفة ايه اللي حصلي مبقتش عارفة اتعرف ولا اتكلم مع حد خالص وبقيت دائما لوحدي و الموضوع مضايقني أوي بجد ان البنات كلها مبسوطين وبيضحكو وانا حرفيا بعيط على حالي ده. أنا مبقتش فاهمة أنا فيا ايه بالظبط ومش عاوزة احكي لمامتي علشان مقلقهاش على الفاضي وبجد بعد ما كنت بحب الجامعة جدا وحاسة ان اسامي هتتحول ونبقى احلى من أيام المدرسة بقيت بكره اليوم اللي بنزل فيه الجامعة علشان بقعد لوحدي وبيبقى شكلي وحش وبحس الناس بتشفق عليا. أنا مش عارفة الدنيا بتعمل معايا كده ايه مع اني والله ما اذيت حد عمري أنا اللي كنت بتأذي والله من الناس كلها. أنا عاوزة تفسير للي انا فيه دا علشان بجد تعبت وحالتي النفسية بقت اضعاف اضعاف وحشة.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.