صداقة سامة

Grape_57212 🇪🇬

منذ يوم واحد

شعور غاضب

Potato_27813 🇪🇬 هو يعني انتي مكنتيش بتتكلمي معها و هي كانت نايمه تحت البيت عندك ما هي كمان مكنتش بتتكلم و جت بطريقه غير ناضجه ترمي اللوم عليكي كله لوحدك صدقيني أفضل حاجه انك تمسحي البنت دي من حياتك خالص و تعاملك معها يكون سطحي جدآ و ربنا يعوضك بناس تانيه أحسن 🤍

عرض الكل 5 نصيحة

عبّر عن شعورك بشكل مجهول

عندي واحده صحبتي اتعرفت عليها عن طريق الشغل عرفت بالصدفه انها تعبانه نفس تعبي ودي حاجه خلتنا نقرب اكتر هي بتحبني وانا عارفه كدا كويس بس هي ليها صحابها التانين يعني انا مش اختيار اول ليها ودا مش مضايقني اللي مضايقني ان علاقتنا كانت عباره ان انا اللي بتكلم بس هي كانت بتدخل تكلمني كل يوم تطمن عليا اقولها الحمدلله تقولي يارب دايما وانا اعيد نفس الكلام وكنت ساعات بفتح كلام معاها مع اني معرفش افتح كلام مع حد وكنت بتكلم عن نفسي وعن مشاكلي دايما ومعرفش حرفيا اي حاجه عنها مع اني بقولها علطول اتكلمي معايا وهسمعك بس كانت بتلمح ان ليها ناس تانيه تتكلم معاهم.
كان عندي امتحانات من قريب وهي كانت بتطمن عليا كل يوم لحد ما في مره عملتلها رياكت علي اخر مسدج ومفتحتش كلام تاني وهي كمان مفتحتش كلام وكنا بنشوف استوريهات بعض وكدا لحد ما دخلت كلمتني ف العيد وكانت متضايقه ان احنا مبنتكلمش قولتلها ان انا كنت مشغوله ف الامتحانات والتنضيف مع ماما وكدا وقالتلي مش لاقيالك مبرر عرضت عليها ننزل يمكن اقولها اللي مضايقني اي فعلا مرضتش وانا اعتذرتلها وقولتلها مش قصدي وكدا راحت باعته استيكر وبعدها بيومين لاقيتها ماسحه رقمي واللي اكدلي اني شوفتها منزله استوري وصحبتها منزلها عندها.
انا المفروض هشوفها يوم التلات عشان عندنا مناسبه وكدا ومتضايقه اوي من اللي عملته انا المفروض اشرحلها ولا لا واسفه لو طولت عليكوا.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

كان عندى واحدة صحبتى بحبها جدا هى حرفيا اهم حد فى حياتى بقالنا 6 سنين صحاب بس من كام شهر بقى فى بنت تانية ديما معاها و لما بنكون مع بعض بيفضلو يتكلمو ولا كأنى موجودة و كمان البنت دى ديما بترخم عليا فى الكلام و صحبتى عارفة انى مش بحبها و ببقى متضايقة فى وجودها لانها كمان عملتلى مشاكل كتير اوى زمان و لما صحبتى بقيت تتجاهلنى اوى لما هى تكون موجودة بطلت اتكلم معاها و كعادتى قررت انسحب 
بقيت بتبقى واقفة جمبى و حرفيا كأنها مش شايفانى و فى مرة واحدة صحبتنا تانية كانت عايزة تصالحنا و هى وقفت  تتكلم معايا و كان معاها صحبتها التانية دى و مش عارفة اوصف قد ايه كلمها كان صعب و هى بتوصفلى قد ايه هى شيفانى شخصية متملكة و عايزة اتحكم فيها مع انى بجد مش كده خالص و سمعت كلام بجد وحش جدا سواء منها او من صحبتها 
بعد كام شهر بعتلها مسدج انى مش عايزة اخسرها و مقولتش غير كده فهى ردت عليا و كنا بنتعاتب و فى وسط الكلام قالتلى انتى خايفة ان انا احبها هى اكتر منك و ابعد عنك بس انا مش عيلة علشان اعمل كده ممكن تبان جملة عادية بس بالنسبالى كانت لا لانى فى الحقيقة معنديش اى ثقة فى نفسى و بحس ان اى حد ممكن ياخد مكانى عادى و هى عارفة كده كويس و كمان قالتلى هو انتى عايزانى لنفسك و بس فيما معناه انى متملكة زى ما قالتلى قدام صحابنا قبل كده و بجد انا مش كده خالص و هى متاكدة من كده انا بس كنت بعتبر انى مميزة عندها زى ما هى كانت اكتر حد مميز بالنسبالى
المفروض بعدها اننا بقينا نتكلم بس بقيت تتعامل معايا ببرود اوى و ابقى بقولها على حاجة انا متحمسة اننا نعملها مع بعض فهى تقولى مليش مزاج و تتجاهلنى لحد ما رجعنا تانى مش بنتكلم خالص 
امتحاناتى بعد اسبوع مش عارفة اذاكر ولا اركز فى اى حاجة من كتر التفكير 
كنت من زمان نفسى ابقى مهندسة بس حاليا شايفة اكتر حاجة بتمناها و هى بتضيع منى و انا بتفرج

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tomato_57130 🇪🇬

منذ 5 أيام

شعور وحيد

واحد صاحبي مش بيكلمني غير في يوم اجازته بس غير كده بيعلقني و بيكلمني يوم اجازته يسطا حقك عليا والله الشغل ويلا نخرج و في الايام العاديه عرفت انه بيكلم واحد صاحبنا تاني يقعد معاه ويتكلم معاه هو مش فارقلي بعد الحركه دي بس مش عايز بردو اخسرو كلمني من شويه قالي ننزل قولتله لا فا ايه رايكم اكمل معاه عادي

Guava_56922 🇪🇬 كمل علاقته بيه عادي جدا في اصحاب للخروج بس واصحاب للضحك والهزار بس واصحاب للكلام والفضفضه واصحاب للشغل وفي صاحب بيكون فيه كذا صفه من دول وبنحبهم كلهم وكل شخص ليه مكانه في قلبنا حتي انت نفسك اكيد عندك صاحب بتحب تخرج معاه بس مش بتعرفو تتكلمو مع بعض عن مشاكلكم او المشاركه عموما وفي صاحب يتكلمه كويس بس مش بتعرف تخرج معاه بسبب شغله او غيره ف قدر انه بيسأل عنك ومهتم انك تكون في حياته

عرض الكل 10 نصيحة

Strawberry_55687 🇪🇬

منذ أسبوع واحد

شعور متعب

عبّر عن شعورك بشكل مجهول

ممكن اعرض مشكلتي مع صديقه ليا وانتو تحكموا 
ارجوكم انا تعبت والله والشخصيه دي ضغطاني جدا 
بس بخاف اكون بفكر غلط احنا صحاب من بدايه الجامعه كانت دايما تحصل بينا مشاكل ونرجع 
هي الي كل مره تقرب انا بحاول ابعد 
هي انسانه محترمه وكويسه بس عندي مشاكل معاها انها مش عاوزاني اصاحب حد غيرها هي بتصاحب عادي لانها اجتامعيه جدا وبتقعد تهزر مع امه لا اله الا الله 
لكن انا لو عملت كدا تتهمني بالاهمال والغدر وتمن عليا بالي بتعمله معايا وانا كدا مش بقدرها 
متدينه بس احيانا بشوفها بتنصح بحاجات وبتتريق على حجات وتعملها هي بتتريق على البنات تلي بتكلم شبتب بتروح هي تكلمهم وتقول انا عارفه حدودي وتتريق على لبس الناس وتقول حرام وناقص تكفرهم ولبسها مش احسن حاجه 
دايما هي الي تطلب مني اجيبلها هدايا  وتقول عاوزه كذا وكذا او تحسسني اني بخيله وتقولي بصي دي جابتلي اي ودي جابتلي اي
بجيبلها كتير بس بتقعد تطلب كتير 
مبتشوفش اخطائها ودايما شايفه نفسها مثاليه واني طفله مقدرش اعمل حاجه من غيرها 
لما ندخل في خلاف دايما بخاف على مشاعرها لانها حساسه وبتقعد تلومني وتقولي اني جرحتها وكلام من دا فبضطر اعتذر ليها
نفسي ابعد بس هي فارضه نفسها بشكل مش طبيعي ومش عاوزه ابعد عشان مجرحهاش اي مره كنت ببعد فيها كانت بتطلعني غلطانه عند امه لا اله الا الله والناس تجي تكلمني عشان تقولي انتي ليه بتعملي فيها كدا ويلوموني او تقعد تلقح عليا في بوستات وغيره
وبرضو الي مخليني مش عاوزه ابعد انها كل شويه تقولي قد اي بتحبني ومبتحبش حد قدي واني اقرب حد ليها بس انا اتخنقت 
وتقولي محدش هيحبك زي ما هي حبتني 
دايما بحس من ناحيتها بغيره وحسد رغم انها ماديا احسن بس مبتحبش تشوفني اعلا منها في حاجه سواء درجات الكليه او حتى حد يقرب مني تقولي بيستغلك ومبيحبكيش 
لما ببقا عاوزه اشتري حاجه بس مش معايا فلوسها بتروح تجيب لنفسها علطول وكل ما اعمل حاجه تعمل زيي وتنسب دا لنفسها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_52744 🇪🇬

منذ 4 أسابيع

شعور مرهق

عبّر عن شعورك بشكل مجهول

واحده صاحبتي ديما طريقتها معايا مؤذيه إذا كان بكلام بهزار عليا ب اي حاجه، فضلت ابررلها كتير لحد ما بجد قولت خلاص كفايه كدا انا هبعد شويه بس لو احتاجت حاجه انا هفضل معاها هتكلم و اشوفها و هسال عليها، بس هبعد شويه عشان سلامي انا النفسي راحت امبارح بتقولي هو انتي زعلانه مني في حاجه؟  قولتلهالا بس بحسك غشيمه معايا في الكلام و مش طيقاني في اخدت خطوه و لورا في الاخر طلعتني انا الي غلطانه و انو ازاي انا مقولتلهاش و انو مش بمزاجي ابعد و اقرب، كل دا و بتقوله بطريقه وحشه مش بتتفاهم معايا مثلا لا دي بتكلمني بقرف و بتتخانق بتقولي "لا بصي انا عملت الي عليا من ناحيتك و مش ههري كتير في الحوار دا، و علي فكره لازم اقفل دلوقتي يلا سلام" يمكن عشان انتوا مش سامعين فاكرين انو طريقتها عادي بس بجد كانت طريقه وحشه اوي حسستني انو انا الي غلطانه و انا الصاحبه الوسخه في الحوار اعمل ايه انا مش قادره افضل لصالح فيها و انا الي مدايقه و يوم ما بحاول اتعامل عادي بتعاملني بطريقه بارده و اسلوبها الي هو "ايوه انتي عايزه ايه يعني" و بتعمل اي حاجه غير انها تتكلم معايا، طب مش عايزه تحاول تصلح اي حاجه طيب دا انا يوم ما هي برضو زعلتني روحت قولتلها خلاص يا ستي حقك عليا و جبتلها حاجه حلوه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Nutella_52596 🇪🇬

منذ شهر واحد

شعور وحيد

ازيكوا يجماعه صحبتي اقرب واحده ليا كنا حرفيا مش بنقفل مع بعض غير علي النوم وكل أسراري معاها اكنها اختي واكتر وهي برضو المهم دخلت بينا واحده تالته وبقوا صحاب اوي الاتنين وبقيت بتحكيلها وبقيت بتخبي عني حاجات كتير علي عكس اني مازلت لسه بحكلها يومي بالتفاصيل بس بحس انها مش مهتمه زي الاول زي ما بتبقي م

Cherry_35286 🇪🇬

منذ 4 أشهر

شعور مرهق

عبّر عن شعورك بشكل مجهول

انا عندى صاحبه من زمان قربنا من بعض في فتره إعدادى لاننا جيران ف كنا بنروح و نيجى مع بعض بس مش اكتر و كان عندنا ناس صحابنا كانت هى طول الوقت بترتاح في الكلام معاهم لأنهم بيحبوا الضحك و الهزار وكدة و اى حاجة بيقلبوها ل ضحك و هزار حتى لو احكام في الدين إنما أنا أقل الاشياء بحب افكر فيهم بعقلى و وقت الجد جد و الهزار هزار ف هي اختلفت مع صحابنا دول لسبب ما أنا كنت حذرتها انها تعمله كذا مرة و هي عملته و اكتشفت بعدها إن هي غلط و اختلفت معاهم أنهم ليه يشجعوها على حاجة غلط و لانه ظهر كذا موقف باعوها فيه ف قربنا أنا وهي من بعض و بقينا صحاب قوى بس انا لسه حاطة حدودي بيني و بين اى حد المهم إن هي اغلب الوقت مش فاهمة وجهة نظرى و دايما خلافاتنا على كدة دخلنا الكلية و انا كونت صحاب من القسم بتاعى و هی کونت صحاب من القسم بتاعها و بحكم أن احنا ساكنين مع بعض في السكن الجامعي ف جت ليا مرة المدرج و اعترفت على صحبتی و خدت رقمها و بتتكلم معاها وبتقولها سيبك منها خليكى صحبتى أنا قدامى و إن أنا بزهق و مش بخرج کتیر و بتتريق عليا قدمها على حاجات تافههة و لما بتكلم معاها بتقولى أنها بتهزر و لما يقولها إن ده مش هزار بتقولى علشان أنا اللى مبهزرش و ده العادي حاولت كتير ابعد عنها من غير ما تبين لها و اسحب نفسی بشويش يلاقيها بتلزق لي و بنقولى متغيرة ليه وكدة وبتقولى أنها بتهزر و بعدين يحصل ليها مشكلة ف بتصعب عليا وبقول يمكن نيتها مش وحشة لحد ما قالت ليا أن القسم بتاعى وحش مع العلم اني كنت جايبة مجموع أعلى منها بكتير و هي كانت بتقولى أنها نفسها كانت تجيب مجموع أعلى علشان تدخل معايا القسم وكل كلامها أنها احلى و إن كذا شخص عاكسها و كذا شخص كلمها و كذا شخص اتقدم لها و بصراحة انا زهقت لأنها بتكبر المواضيع لدرجة أنها بتحسسنى انها محور الكون و انا وحشة مع انى جمالى متوسط عادی یعنی و هی كذالك و كنا ماشيين فى مرة ف كان هيحصل لنا حادثة و العربية كانت هتخبطنا وجرينا و انا كنت ناحية العربية ف بعد ما بعدنا شوية بقولها الحمد لله بجد الواحد اتخض و كان خايف يحصل حادثة و كدا راحت قابلة ليا انت عادى مش مشكلة كنتى موتى و خلصتينا لكن أنا فيه ناس عايزاني كأنى مثلا من الشارع أو مليش أهل أو حاجة وبتقول كدة بكل برود و بضحكة و لما اتضايقت قالت لى بكل برود كنت بهزر قلت لها أن ده مش هزار اصلا و لو هى بتحبنى مكنتش فكرت فى الجملة دى مش قالتها بس راحت قايلة أن انا مكبرة الموضوع و يقف ليها على الواحدة و كمان كان فيه واحدة صاحبتنا فى السكن لسه عارفينها بتقولها يلا
علشان نعمل اللى اتفقنا عليه راحت قابلة ليها انت بتقولى قدامها ليه ( اللى هى أنا ( ف بقولها فيه ايه يعني انا مش مش عايزة اعرف انتوا عايزين تعملوا ايه اصلاف راحت قابلة ليا أنا اصلا مكنتش هقولك و قالت لصاحبتنا اياكى تقولى ليها هنعمل ايه قولت لها متقوليش أنا اصلا مش مهتمة انى اعرف و متکلمتش و کل مبرراته انها بتهزر و انا مش بفهم في الهزار و مش بعرف اهزر مع أنه أنا بهزر عادي بس كل حاجة ليها حدود و لو ههزر هركز انى مضايقش اللى قدامى ولا أخرجه قدام حد ف ياريت حد يقول اتصرف معاها ازاى من غير ما اضايقها أو انسحب ازاى من صداقتنا من غير ما نجرح في بعض

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_51170 🇪🇬

منذ 4 أشهر

شعور مستنزف

عبّر عن شعورك بشكل مجهول

في واحده صاحبتي انا وهي صحاب بقالنا سنين بس هي شخصيتها متملكه اوي وغيورة يعني اللي انتِ صاحبتي أنا وبس و حصل مشاكل بيني انا وواحده صاحبتي تانيه بسببها وكده جت لما البنت دي بعدت عني بقت كويسه وكده وانا واختها صحاب فاا لقيت اختها بتقولي انها مابقتش قادره تستحمل طريقتها وكده وانا قعدت احسن من صورتها قدام اختها واقولها هي تعبانه ومتأثرة من م*وت والدكوا وكده المهم انها لما عرفت اني كلمت اختها عملت حوار من لا حوار وانا قعدت اتأسف كتير مع ان ده مش طبعي وعذرتها بردو المهم جت هي عملت حركه هي عارفه اني بكرها وجت قالتلي آسفه لما زعقت وكده وكانت بتقولها كأنها واجب ولما قولتلها اعمل بيها ايه قلبت الترابيزة وقالتلي اني لما بقولها اسفه من اول مره بتعدي الحوار واتقمصت وكده المهم ان من كام يوم قبل ما ابدأ إمتحانات كنت مضغوطه وكده معرفش ايه اللي حصل لا اتخانقنا ولا اي حاجة كل اللي حصل انها بتقولي انتِ مش شايفه طريقتك قولتها لا قالتلي بجد لسه هتتناقش قولتها اني ماشيه حالياً انا بجد مابقتش قادرة استحمل ووالدي بيقولي ماتبعديش عنها وفي نفس الوقت والدتي بتقولي استني شويه وشوفي انتِ عايزة تعملي ايه عشان العصبيه ماتبوظش الدنيا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_33629 🇪🇬

منذ 5 أشهر

شعور مرتبك

عارفين شعور انـك مسدقت يبقاا عندك صحااب اولا ڪدا ف تالته ثانوي عندي 17سنه مش هقول ڪنت متوحده والڪلام الأهبل دا لا بس ڪل الحوار انهم ڪانوا صحاب مصالح وڪدا لحد تانيه ثانوي اتعرفت نن وواحده وبقيناا صحاب جاامد بقيت بخاف ع زعلهاا بقيت بعمل ايي حاجه علشون افرحهاا قولتلهاا بتمني منخسرش بعض ابداا وبدات

Watermelon_40359 🇪🇬

منذ 6 أشهر

شعور مكسور القلب

Strawberry_50209 🇪🇬 حاولي تبعدي عنها خالص ومتبعتيش ليها حاجه تاني واعملي صحاب تاني من الجامعه وعيشي حياتك بعيد عنها وفتره وهتتعودي عادي واعملي ليها بلوك والغي رقمها كمان عشان مترجعتش تبعتي ليها وقربي من ربنا اكتر وادعي ربنا أنه يربط على قلبك وصدقيني الحياه مش هتقف عليها

عرض الكل 3 نصيحة

عبّر عن شعورك بشكل مجهول

يمكن تقولو ان دا اوفر ومش مستاهل بس انا البيست بتاعتي بعدت عني عشان تركز في دراستها مع ان احنا نفس الجامعة ونفس الكلية ونفس كل حاجة من ناحية الضغط سواء كان من اهلنا والجامعة لان احنا في سنة اولي نزلنا في مواد واحنا في تانية صيدلة دلوقتي المهم جت فجأة تقولي احنا مش بنركز مع بعض نهائي مع اننا كنا يعتبر بنام ونصحي مع بعض وبنعمل كل حاجة مع بعض من لما كنا في ثانوية عامة واحنا بنذاكر سوا وقالتلي انها بتبقي عايزة تقعد لوحدها وتركز في محاضراتها ومش عايزة حد معاها وبعد فترة لقيتها مصاحبة ناس شطار وفي منهم من الاوائل بتقعد معاهم دايما وتهزت وتضحك بعد المحاضرات وكل دا قدامي وانا ببقا مقهورة اوي بجد وبرضو قبلها كانت بتقول وتتهمني بحاجات مش فيا او هي كانت بتفهمها غلط وتشيلها جواها لحد ما تكبر لانها شخص بيكتم جواه ومش بتتكلم ولما باجي اعاتبها وابعتلها مسدجات بتشوف ومش بترد ودا بيزعلني اكتر واكتر وولما بتشوفني بتعمل نفسها متعرفنيش وانا رغم كل دا لما بيحصل حاجة في الجامعة بخصوص محاضرات او حاجة تساعدها حتي لو بتوفير وقت ببعتلها وبتقولي شكرا ولما جيت  اعاتبها تاني وتالت برضو مش بترد ، ازاي اقدر اتخطي كل دا ومبقاش متضايقة ومقهورة كل ما اشوفها في الجامعة ونفسي تتكلم او تحترم اني ببعتلها حتي وترد ب اي حاجة وحاسة اني محتاجة اعاتبها وترد علي كل كلمة بقولها متضايقة جدا ومش عارفة اعمل ايه وكل ما بحاول ابعد واحاول اصاحب حد تاني مش بقدر وبحس ان يا هي يا بدون صحاب خالص ، انا من طفولتي وانا لوحدي اساسا وبحب اكون لوحدي عادي بس انا حابة وجودها جدا وبقول فترة ونتصالح وبهدي نفسي بكدا ومخنوقة لفكرة اننا ممكن نبعد خالص فعلا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_40359 🇪🇬

منذ 6 أشهر

شعور مكسور القلب

Avocado_49574 🇪🇬 ركزي ف حياتك وخلي الناس هي اللي تفكر فيكي مش انتي اللي تفكري فيهم فهماني

عرض الكل 4 نصيحة

عبّر عن شعورك بشكل مجهول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_40472 🇪🇬

منذ 6 أشهر

شعور عاطفي

هو لما الواحد بجد يبقي حاسس ب إنه مش شبه الناس الي وسطهم يعني انا مش حسه اني بحب صحابي بعمل نفسي بحبهم عشان انا ليا اخت توام بيتكلمو معها اكتر بيحسسوها بحب كل ما هو ف الصداقه بيحصل مع اختي ونا لا ع فكره انا مش بغير بس زعلانه جامد وكذا مره التجاهل الي بيعملوه بس مش قادره يعني انا حاولت اقرب منهم مفيش

Coconut_37209 🇲🇦

منذ 6 أشهر

شعور عاطفي

Strawberry_46570 🇯🇴 ودايما ادعي اللهم دلني على من اراد بي خيرا ودله علي واصرفني عن من اراد بي شرا واصرفه عني صدقيني حتصيري تحسي بالاطمئنان❤ والله يبعثلك صاحبات صالحات يحبولك الخير زي ما بحبوه لانفسهم💞

عرض الكل 7 نصيحة

عبّر عن شعورك بشكل مجهول

مرحبا أنا كنت أدرس مع بنت نوعا ما كنت أحسبها صديقة و أخر سنة تخرج من الثانوي عرفتني على بنت و صرنا أصدقاء خلنا الثانوي مع بعض و طلعنا جامعة لما طلعنا على الجامعة عرفتني على2 من صحباتها صرنا نحن أربعة أصدقاء ما كنت أحس وقتها بشي وبهديك الفترة تقربت كثير من وحدة من صديقاتها كان عندنا نفس الإهتمامات وكذا و بعدها تخاصمنا و هي قررت ما تبقا معنا و صرنا 3 بس لما كنت وسط صديقتي و صديقتها أحس أني ماني مرغوبة يتحدثو بأمور هما بس يفهموها و يعرفوها و أنا لما إتحدث ما يسمعنو ولا كأني أحكي أنا للصراحة ثرثارة كثير هيك أعبر على حبي لأن ما بدي يحسو معي بالملل يمكن لهيك ما بقو يسمعولي بس من غير هيك صرت ألاحظ تصرفات ثانية لما تقعد بالمواصلات دائما يقعدو هما الإثنين و يخلوني لحالي داائما يعني يمكن مرة بالشهر يقعدو معي و أنا دائما أختار أماكن يمكن نقعد فيها نحن الثلاث بس هما ما يعملو هيك المهم بعد كل هااي التصرفات أنا ما صار بدي أبقى صحبتهم و صرت لما أثعد معهم أبقى صامتة صارو يقولولي ليش صامتة ما أعرف إذا حكيت مشكلة و إذا نا حكيت مشكلة موقف كثير أثر فييا أن بمرة خرجت أنا و صديقة الأولي يلي من أيام الثانوي و هي لحالها قالتلي أن لما تكوني إنت موجودة يكون الجو حلو ونضحك أنا صدقتها فمرة كانو صامتين و أنا حكيت شي و ضحكنا وقلت شفتو بدوني ما تقدو تضحكو قالتلي نفسها يلي مدحتني أن ما تصدقي نفسك نعرف نضحك من دونك أنا الصراحة ما عرفت شو أعمل المهم أن بهاي الأيام صرت بس أشوفهم أحس كذا أحزن و أطتأب خصوصا أنهم لسا يتجاهلوني بدي أقطع علاقتي بهم بس ما أهؤف كيف أنا ما أقدر أواجه و أحكي مو من طبعي كذا فما أعرف شو أعمل لأن حتا لو قطعت علاقتي بهم بضل إلتقي بهم بااجامعة حتى مع الصديقة 4 لأن مع الوقت رجعنا نحكي بس طبعا مو مثل الأول حكيت مرا هاد شي لأمي قالتلي أن المشكل فييا 🥲💔و أن أنا أبالغ بس الصراحة أن الموضوع ضاغطني كثير الأن أنا بسنتي 4 بالجامعة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_40445 🇩🇿

منذ 6 أشهر

شعور مرهق

موضوع:

هل في يوم اتعلقت بحد؟

انا تعلقت بصديقتي تعلق شديد وحتى اذا ماكلمتني او راحت مع صديقات غيري بحس بضيقة وبوجع في قلبي و ماعاد اقدر اكل ولا اشرب ولا امارس نشاطاتي اليومية بصفة عادية واذا كلمتني او خرجنا مع بعض اكون اسعد انسانة في العالم

Strawberry_47024 🇪🇬 مينفعيش كده خالص دي حاجة مش عادية انها لما تخرج مع حد غيرك او متكلمكيش ولا تاكلي ولا تشربي دا تعلق غير طبيعي انا مع صاحبتي بقلنا ١٢ سنة وبحبها جدا علفكرة بس عمري ما عملت كده وااه كنت بزعل شوية لما تخرج مع صاحبة تاني وانا كان ممكن اروح معها بس مفروض اديها مساحتها لا حاولي تتقللي حب دا شوية علشان ميضركيش

عرض الكل 5 نصيحة

Sugar_41268 🇪🇬

منذ 7 أشهر

شعور مكسور القلب

موضوع:

اتخدعت ف حد قبل كدة؟

كانت عامله نفسها ملاك برئ وان مفيش منها اتنين و كانو الكل بيحبوها و مخدوعين فيها و انا الوحيده الي كنت عارفه حقيقتها و حبيتها و كنا صحاب عشان كنا انا غبيه خبيت عليها و كنت بداري مصايبها بكرها

Blueberry_41057 🇪🇬 ديما الخازوق بيجي من الناس الي عماله نفسها بريئه و الناس برضو الي تحسسك انهم من المصطافين

عرض الكل 2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع