حب مرفوض

Mango_55086 🇪🇬

منذ 5 أيام

شعور مستنزف

هو لو أنا كنت مرتبطه بحد و بحبه جدا و هو كمان و بعدنا بسبب رفض اهلي هل ممكن الاقي حد اديله مشاعر ولا مش هعرف وهل هلاقي حد ابقي واخده عليه و بعرف اتكلم معاه بأريحيه زي الي بحبه ولا مش هلاقي علشان حاسه اني لو وافقت ع حد من الي بيتقدمو مش هعرف اخد عليه ولا احبه و لا هعرف اتعامل معاه

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Waffle_52693 🇪🇬

منذ 4 أسابيع

شعور منزعج

موضوع:

هل في يوم اتعلقت بحد؟

للاسف حبيت بنت ولما اعترفتلها قالت مش وقته الخرا في الموضوع انها كلمتني تاني واديتني الامل ان ممكن يجي وقت وتوافق وبعد كده بدات تبعد واحده واحده وبطريقه زباله الي انا مش فاهمه طب طالما هي مش مرتاحه معايا كلمتني ليه بعد ما اعترفتها ولا هو حرق عالفاضي يعني

Hazelnut_52786 🇪🇬 عزيزى : من لا تستحقك . لا تنظر لها . لا تستحق حتي ثانيه من اهتمامك او مشاعرك . ابعد عنها . حتي الألفاظ التي تخرج من لسانها صعب . حاول تاخد اللي شبهك . في كلامك . في تربيتك . واتمني لك كل التوفيق

عرض الكل 5 نصيحة

Apple_48216 🇪🇬

منذ 5 أشهر

شعور متعب

انا كنت بحب واحد كانت علاقتي بيها كويسه ويوم م صارحتها كانت المفاجئه انها موافقتش وقالتلي احنا اخوات من اليوم ده وانا مدمر ونفسي اخطبها وخايف حد تاني ياخدها مني وهيا بتقابلني بتبصلي بصات غريبه كدا وانا ببقا باصص بس ببقا في حته تانيه خالص مش عارف بيحصلي اي وانا مش عارف اعمل اي يريت حد يعرفن

French Fries_50712 🇪🇬

منذ 6 أشهر

شعور ضائع

انا كنت مصاحبة واحد انا بحبه اوي بجد بس سيبنا بعض وانا في الحقيقة حاولت كتير معاه وكنت فعلا عايزة نبقي مع بعض لكن كان بيستقبل الموضوع بالرفض بطرق غير مباشرة بس احنا قريبين جدا من بعض بس انا لسه بحبه ولما قولتله قال ان هو بيبحبني بس مش عايزة نرجع ع منخسرش بعض انا حسيت اني اترفضت وكل مجهودي اللي بذلته

Chilli_50740 🇪🇬 الي باعك بيعو واحلقله

عرض الكل 10 نصيحة

Coffee_48681 🇮🇶

منذ 6 أشهر

شعور قلق

كنت احب بنت و لا ازالت احبها و لمن اعترفت رفضتني لان جان الوقت غير مناسب للطرفين لان ما متخرجين . المشكله صار عندي خوف من البنات و خصوصا هي هل هاي مشكله لو طبيعي ؟

Chilli_48693 🇪🇬 دا طبيعي ممكن يحصل مع اي حد ودا اكيد موقف لازم يكون ديما في اعتبارك علشان لما تحب تاخد اي قرار في حياتك لازم تختار الوقت المناسب ودا اهم حاجة

عرض الكل 4 نصيحة

Watermelon_40928 🇪🇬

منذ 7 أشهر

شعور محبط

الحقيقه اني مش عارفه احدد مشاعري بشكل كافي ويمكن دي اول مره احس بالشعور ده واحس بالتوهان ده انا كنت بحب شخص لمدة اربع سنين وكلم ماما وكان الحوار بشكل رسمي اوي بس للاسف ماما رفضت وحاول تاني مع ماما ورفضت بردو وبعدنا وكان عايز ينزل بلدي يقابلني ونتكلم وانا رفضت لان مكنتش شايفه في امل من ناحية عيلتي ال

Coconut_42386 🇩🇿

منذ 7 أشهر

شعور مكسور القلب

موضوع:

اتخدعت ف حد قبل كدة؟

بعد أربع سنين بدون علاقات أخيرا قدرت أحب شخص و هو فهمني أنو بيحبني و كدا بس بعد مدة قال أنو خلاص مش عاوزني و أنو حاول يحبني بس مقدرش و لحد الآن يتكلم معايا فبعض الأحيان بس مش عايز يقول ايه مشاعرو تجاهي

Sugar_28822 🇪🇬 يا حبيبة قلبي والله حرام دى علاقة محرمة بدايتها لا ترضى الله نهايتها مش هترضيكى بلاش كدة وبلاش الطريق دة حاولى تقفلى الباب دة وتعملى بلوك وترجعى لربنا وتتوبى على الاقل ربنا يرزقك البركة فى حياتك وجوازك فى يوم من الايام

عرض الكل 3 نصيحة

Chilli_28981 🇪🇬

منذ 7 أشهر

شعور محبط

Mango_27135 🇪🇬 بصي مهما حصل من ولدتك هيا في الاول وا الاخر خايفه عليكي وا بتحبك مهما كان باين عكس كدا صدقيني اختلاف التفكير وا الأجيال بتفرق وا صدقيني مهما عملت هتفضل امك مهما كانت صفتها وا عيوبها هتفضل امك وا ليها الاحترام وا الموده وا الرحمه كويس انك مش قولتي انك عرفتي كل ال تعمليه انك تدعلها ان ربنا يهديها وا ربنا يرحم ولدك وا يغفر له حبيبك لو بيحبك فعلن هيشتغل وا يطور من نفسك وا انتي استنيه لو شيفاه كويس

عرض الكل 1 نصيحة

عبّر عن شعورك بشكل مجهول

انا مش عارفه ابدا منين بس كل حاجه بايظه من كل ناحيه 
وانا صغيره مكمتش بعرف اعبر خالص فا ماما لما مكانتش بتفهمني كانت بتضربني اخويا لما كبرت شويه بقى هو كمان يضربني و الموضوع ده قصر فيا اوي مبقتش بعرف اعبر كويس خالص و حبهم قل جوايا هما اه اهلي و بحبهم بس عادي فاهمين! بابا و ماما منفصلين من وانا ٥ سنين كنت بسمع ماما وكانت بتكلم واحد ف التلفوم عمري ما انسى صوتها ولا اسمه عملت نفسي مش سامعه حاجه اتحرجت اوي اقولها اني سمعتك لكن وانا ف اعدادي كنت بشوفها و بسمعها وهي بتتكلم ف التلفون و بيعملو علاقه ف الفون كمان لما لقيتها كدا وللاسف بقيت انا كمان اعمل كدا ودي بجد اوحش حاجه انا عملتها ف حياتي و ندمانه عليها ربنا يسامحني المهم ماما عرفت وطبعا كانت مشكله كبيره اوي لدرجه انها ودتني لدكتور نسا عشان تتأكد اني بنت وده اوحش موقف اما اتعرضتله بجد احساس وحش اوي اوي بس الدكتور قالها اني تمام بعد.كدا انا بطلت الموضوع ده خالص كمان بابا اتوفي فا بقينا لوحدنا روحنا عشنا مع تيتا و جدو بس دلوقتي هما اتوفوا الله يرحمهم بس ماما لسه موقفتش الحاجات دي وانا عمري ما كلمتها بس اختي هي كمان عارفه كانت بتتخانق معاها وعادي ماما كانت بترجع تاني ده اكبر جانب تاعبني و بحاول اهرب منه بأني مفكرش 
انا مليش حد.خالص اهي كلهم تقريبا متوفيين دايما حاسه اني مليش حد ولان حظي ف الصحاب مش كويس خالص معنديش صحاب و ماما بتبقى هي السبب معرفش ليه عيزاني يبقى معنديش صحاب حتي الولد اللي بحبه الوحيد اللي فاهمني و بيحبني بجد و كلم ماما عشان يخلص جيش و يجي.يخطبني وكانت موافقه عليه جايه دلوقتي بعد.سنتين تقول عليه لا و شايفه ان ده ف مصلحتي ماما بجد.بتقول كلام كتير اوي و بيدايق دايما بتذلنا عشان الفلوس اللي بناخدها منها انا مش بشتغل بس معاش بابا الحمدلله كويس كمان انا لسه قاصر بابا سايبلي فلوس ف البنك هي بتاخد الفوايد بتاعتها وانا لسه عارفه من قريب مكمنتش اعرف الموضوع ده لاني مش بتدخل ف اب مواضيع فيها فلوس بمناسبه عدم تدخلي ف اي حاجه هما شايفني اني مفيش ف دماغي حاجه وعشان مش بعرف اعبر كويس كل ما اتكلم بيقولو اسلوبك وحش وانا بجد مش عارفه اسلوبي وحش ف ايه والله انا عايزه اغيره بس قولولي وحش ف ايه انا عايزه كله يبقى كويس والله انا بالعكس دايما بفكر ف كل حاجه بس كلهم عصابيين انا هاديه بفكر بهدوء بس انا مش عارفه اعمل ايه انا عايزه ارجع لحبيبي ده هو فعلا شخص كويس و بيحبني اوي وانا بحبه هو مستواه مدبا اقل مننا بحاجه بسيطه بس ماما شايفه نفسها اوي انا فاهمه انها عيزالي احسن حاجه بس والله هو كويس وبعدين اللي المفروض يتكسف من اهله هو انا مش هو عشان بابا الله يرحمه للاسف كان بياخد مخدرات و اتحبس كذا مره لكن هو اهله مفيش حد فيهم مش كويس كلهم ناس طيبه وانا مرتحالهم جدا لكن ماما مش موافقه عليه خالص وانا مش عارفه اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

French Fries_28123 🇪🇬

منذ 7 أشهر

شعور مكتئب

Cheese_27727 🇪🇬 بص احنا كبشر مش مطالب مننا اننا نكون شخصيه مهمه او موثره خالص مطلوب منك انك تكون راضي عن شخصيتك وبس ولزما تستني الي هيشوف شخصيتك الطبيعيه زي ماهي انها شخصيه جميله وحلوه ويحبها تاني نقطه لزماً تعرف ان الكوكب كله مره بمشكله الحب من طرف واحد وحقك تزعل وتدايق لان الموضوع بيبقي صعب جدا في الاول بس مع الوقت بتنسي او بتتعامل مع بنت تانيه بتنسيك او تحبها اكتر وتشوف انك مش ندمان وممكن يكون ربنا شايلك

عرض الكل 11 نصيحة

عبّر عن شعورك بشكل مجهول

مش عارف حد زيي ولا لا بس انا حاسس اني انسان مليش لازمه عمري ماكنت الشخصية اللي الناس بتضحي بحاجه عشانها او اني اكون الشخصيه الرئيسية فحياه حد 
اكتر حاجه مضيقاني الفترة ديه اني حبيت واحده سنة و كنا بنتكلم ك صحاب و عملت كل حاجه حرفياا عشان اخليها تحبني و معرفتش و ف الاخر حبت حد تاني فقطعت معاها لاني معرفش اكون ف الحتة ديه و المشكله اني بحبها بجد لحد دلوقتي و مش قادر انساها ووحشاني اوي كنا بنتكلم كل يوم بالساعات و عارفين عن بعض كل حاجه حرفيا معرفش ازاي نسيتني و نسيت كل حاجه كدا بجد صوت ضحكتها بيرن ف وداني وهي عايشه حياتها عادي

تاني حاجه متضايق منها هي اهلي محدش بيحبني منهم او بصراحه هو المعامله العاديه جداا مفيش شعور ان حد بيحبك و بيشوفك حاسس ب ايه دا خالص او نفسك ف ايه او مالها نفسيتك طول عمرهم بيحسسوني اني قاسي و غبي و طماع و مبحبش غير نفسي و من وانا صغير يقولولي انت هتطلع كذا و كذا 
تقريبا انا عمري ما حد خدني ف حضنه وقالي مالك😅
لدرجه اني بقيت اشوف نفسي الشخص الطماع و الاناني و لدرجه اني اشوف نفسي 
ق*تل عادي جدا و بعدين برجع افوق لنفسي بجد جوايا صراع و شخص غريب حاسس نفسي بتحوله تدريجي غصب عني 
يعني ليه مثلا هي متحبنيش و تحب حد غيري وليه تنساني بالسهوله ديه ليه متحبش من اهلي ليه معنديش صحاب اخرج و اروح و اجي معاهم اينعم عندي صحاب بس مش شلة يعني نقدر نقول اصدقاء عمل بس 
بالرغم من كتر الثقل اللي ف قلبي و اني حاسس اني هاين على الكل ولو اختفيت دلوقتي محدش هيفتكرني بعد اسبوع بس انا بتعامل عادي و مش مريض نفسي يعني ولا حاجه انا بس كنت عاوز اخرج الكلام اللي جوايا يمكن ارتاح شوية

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.