ضغط عائلي

Coffee_36314 🇪🇬

منذ يومين

شعور مكسور القلب

عبّر عن شعورك بشكل مجهول

السلام عليكم ورحمة الله وبركاته 
أنا شاب عندي 17 سنة داخل تالتة ثانوي 
هو على ما أظن إن اللي زيي مش مجبر انه ينزل يشتغل شغل مش حَبه مش صح بردو 
انا شغال عند واحد بتاع صابون بيصنع صابون و بيبيع و كده المهم في يوم كان  فيه موقف حصل كده شدة كلام المهم مكملتش اليوم و روحت و عائلتي كلها قالت إني غلطان و أنا مكنتش شايف نفسي غلطان المهم قعدت يومين و روحت اشتغلت يومين عند بتاع جبنة جنب محل الصابون و الراجل كان متفق معايا على مرتب ولما رحت اداني مرتب تاني قمت ماشي بعديها لقيت مامتي راحت لبتاع صابون اعتذرتله على اساس اني غلطان و هي راحت من غير ما تقولي لقيت الراجل بتاع الصابون قام متصل بيا و قالي تعالى بلبس الشغل و رحت اشتغلت لحد العيد شغل بقى كان الموسم زي كل عيد المهم الراجل اداني الايام اللي اشتغلتهم من غير عيدية طب فين العيدية قالي على الحركة اللي انت عملتها دي مفيش عيدية على اساس اني رحت لبتاع الجبنة قلت ماشي و روّحت و انا في المغرب بتاع يوم عرفة مكسور الخاطر 😥 
المهم قولت لأمي انا مش رايح الشغل تاني عشان نفسيتي تعبت لحد كده و هبقى ادور على شغلانة تانية قالتلي و لو ملقتش بعديها فضلت قاعد اجازة اي حد في العيد 
دور والدي بقى و قالي انت قاعد ليه انت قعدتك خراب في البيت و كلام والله العظيم ما حد يستحمله خالص و كل يوم على كده لحد الان 
و مامتي قالتلي انا لو مكانك اي شغلانة انزلها متخلنيش أتعرض للكلام ده كل يوم و انا كل ما انزل الشغل بتاع الصابون احس بديق في صدري و نفسي بيبقى بطئ  ، حتى الابتسامة و الهزار محبش اهزره مع حد في الشغل

ملحوظة ان الراجل بتاع الصابون لما رجعت له من عند بتاع الجبنة كان قاعد يتريق عليا يعني يقولي ربع جبنة ، نص لانشون و الكلام اللي يضايق الواحد ده

و آسف على الإطالة 🙏

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Almond_55898 🇪🇬

منذ 5 أيام

شعور محبط

حاسه الفتره دي انا ما بقيتش قادره اخد نفسي من كتر الضغط اللي ف البيت وازاي مثلا بابا اتغير للاوحش مابقيناش نهمه ولا بقا بيفكر فينا وازاي اانا واخواتي بقينا ف العشرينات ومش متامنين ف الدنيا وحرفيا احنا لو حصل اي حاجه ف ثانيه هنكون ف الشارع وهو ازاي بقة شخص سلبي كده ومعندوش مسؤوليه ولا عنده استعداد ي

Carrot_55533 🇪🇬 الأول الحمدلله إن الشخص مستوعب إن في مشكله فعلا و الحمدلله إن في وعي بدل ما نكون أشخاص ضعاف فنتأثر من إللي بنشوفه بشكل وحش فنطلع ده علي الناس إللي في حياتنا زي ما حصل معانا ... لا الحمدلله ربنا حافظنا و قادرين نبقي حنينين مع الناس و سويين في معاملاتنا مع الناس في حياتنا

عرض الكل 26 نصيحة

Banana_55697 🇪🇬

منذ 5 أيام

شعور متعب

حرفيا يعني حوار انك شغال فوق ٥ شغلانات علشان تصرف علي نفسك والمرتب مش بيقضي ده حااور طيب تخيل بقي عيلتك نازل تضغط عليك كل شويه ونازهلة تعايرك ولما ميكونش معاك فلوس يعملو ا فيها من بنها وميعرفكش طيب انا بصراحة زهقت وبفكر انتحر اقسسم بالله

Orange_55602 🇪🇬

منذ 6 أيام

شعور وحيد

عبّر عن شعورك بشكل مجهول

سلام عليكم ورحمه الله وبركاته 
هتكلم من الاول أنا بنت زي اي بنت جمالي فالمتوسط ومع الوقت الناس كانت بتنبهر بجمالي واني جميله وكل حاجه ونا الحمد لله زودت الثقه ف نفسي مع الوقت بس الحكايه بقا من الاول خالص والدتي ربنا يسامحها دايما محسساني اني قليله اوي أنا وأخواتي سواء فالجمال أو حتي ف كل حاجه لدرجه اول عريس اتقدم ع مزاجها خلتني اتخطب ليه حتي دراستي كانت متحكمه فيها بشكل صعب جدا دخلتني كليه مكنتش حلمي وعانت اوي لحد ما اتخرجت منها شوفت المر ف موضوع التعليم لكن دلوقتي موضوعي أنا وخطيبي مش متوافقين قولتلها م اول قاعده بينا مش مرتاحه وكلمت والدي كتير جدا اني مش قابله العريس ده وكدا وبردو كانوا مُصريين ووالدي بيتأثر شويه بكلامها وكنت بضغط ع نفسي عشان خاطرهم وحاليا بقالي 6 شهور مخطوبه وواقفه ع الفركشه وهما علطول بيدعوا عليا خصوصا والدتي ودايما تقولي كلام يقهر معتش شباب عدله ومين هيبصلك رغم إن كان فيه كتير بيعجب بيا فالجامعه بس مكنتش بدي مجال لحد لاني عارفه مش هتوافق بحد برا البلد ومعاه شقه ايجار أو ظروفه مش البيرفيكت وكان فيه كتير بيجي فالاول بس مش كليات عاليه زي ما هيا عايزه او شقه ملك أنا كل ده مش فارق معايا نفسي اكون مبسوطه بسس ومع شخص قبلاه بس ع الأقل وحرفيا خطيبي فضل اخر شهرين مش بيكلمني خاالص ومهمل فيا ودماغنا كانت بعيده اوي عن بعض حاليا عندي25 سنه ووالدتي شايفه اني كبرت وحرفيا هيا متعقده من صحابها وبناتهم لأنهم معديين 30ولسه متجوزوش وجبتلي عقد نفسيه ومش بيكلموني حاليا فالبيت ومصريين ع رأيهم ووالده خطيبي جت بعد الفطار يوم عرفه وكدا وامي خلتني اقابلها بالعافيه وانا مكنتش حابه ده يحصل ولكن قولتلها كل شئ قسمه ونصيب عارفه الوقت مكنش مناسب بس لقيت سلبيه من اهلي كبيره ومش متقبلين اني ممكن افسخ وربنا يرزقني بالاحسن ف اتصرفت انا ونهيت الموضوع بس الي حصل بقا والدتي كلمت حماتي دي تاني وراضتها كأن مش شيفاني قدامها اساسا اني مقهوره ومش مبسوطه وأكلي قل و تعبت نفسيا الفتره دي وبفكر جديا فالانتحار رغم اني مؤمنه بس نفسيتي باظت حاسه اني مليش أهل يسندوني لما ببص لأهل صحابي قد اي بيقفوا جمبهم فالمواقف الي زي دي بتحسر اوي ع اهلي واختي متجوزه بنفس الطريقه دي ع هواهم واحد مش قابله العيشه معاه ولكن مستحمله عشان خاطر ابنها وتعبانه ف حياتها جدا ونا مصممه ع رأيي مش قادره اكون زيها واخوض الحرب دي حسيت إن والدتي نرجسيه من كتر الي بتعمله فينا والتحكم الزايد دايما ف حياتنا حتي ف ابسط حقوقنا مش عارفين ننولها، أدوني حل اقدر اعيش بيه لأني تعبت اوي جربت اتكلم مع والدتي كتيير اوي براحه اني مش مبسوطه وهيا شايفه من وجهه نظرها أنه كويس ومفهوش غلطه مش بصالي خالص حرفيا ومرات كتيره كنت بفقد اعصابي وبشد معاها غصب عني حقيقي مبقتش لاقيه حل اتكلمت مع والدي وهو شايف بردو إن كلام ماما الصح مفيش غير اختي الكبيره الي واقفه ف صفي وعوزاني مرتاحه وبتحاول تكلمهم والي ف دماغهم بردو نفسه، ادعولي بجد مبقتش قادره اعيش..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Kiwi_38016 🇪🇬

منذ شهر واحد

شعور ضائع

انا تايهه اوي وخايفة أوي ومش حاسه بأمان ابدا ابدا بحاول أخرج من المواد والتفكير دا بكل الطرق وبرجع لنفس النقطة تاني مش عارفه اعمل ايه حاسه اني شايله حاجات فوق طاقتي وان المفروض مشلهاش ولا أبقي خايفة كدا والمشكلة أن دا جاي من اهلي وخصوصا ابويا حاسه انه سلبي اوي ومش بيحل اي حاجة وساعات بحس أنه مستسلم

Pear_52389 🇪🇬

منذ شهرين

شعور لا مبالٍ

الواحد كل شويه بيقول ليه ربنا ابتلاني بالاهل دول حرفيا يعني انا اساسا مليش غيرهم وهما اكبر مشاكلي في الحياه والله لو اعرف اعيش لوحدي هعمل كدا بس مش متاح، وصلوني لمرحله اني بتمني لو كنت من عيله غيرهم ممممممممممممممممممممممممممممممم

Biscuit_52366 🇪🇬

منذ شهرين

شعور مستنزف

تخيل تتولد ببيت كله خناق وقرف وميعرفش يعني ايه يربي ولاده كل هم الاباء انهم ياكلوك ويشربوك وينيموك ويجيو يقولولك ذاكر وهات مجموع وصلي وروح الكنيسة واحضر اجتماعات وهما ولا بيعملو اي حاجة من اللي هما بيقولوه انا مش جي اقول انا مهمل واهتمو بيا وشغل العيال دا بس العقدة دي فيا ومقرفة بجد. محدش هيفهمها ا

Banana_47428 🇪🇬

منذ 3 أشهر

شعور مكسور القلب

عبّر عن شعورك بشكل مجهول

حاجة حزينة مخلياني مش قادرة انام ومحتاجة اخرجها 
اهلي بيستقلوا بيا، يعني خليني اكون منصفة في البداية هما بيحبوني وجدا كمان بس دييما شايفيني قليلة يعني مثلا شايفين اني كسولة مهملة مش مرتبة ميعتمدش عليا فاشلة كئيبة باردة مستفزة 
مش هفلح في شغل ولا دراسة ومش هعرف افتح بيت ولا راجل يستحملني، تخينتي عاوزة تخسي 
حتى انهم كانوا بيقنعوني بعريس أكبر مني ب ١٣ سنة علشان شايفينه مناسب وهيعيشني مرتاحة ولما رفضت بحجة اني لسه ١٩ سنة واولى جامعة وانه كمان كبير اوي قعدوا يقولوا اني خسارة فيه وحرام هجلطه 
مع اني بجد مش وحشة اوي زي ما هما شايفيني كده أنا مش باردة بس مش بحب أشيلهم همي، مش كئيبة بس بحب أقعد لوحدي علشان مخنقهمش بوجودي ومسمعش تعليقات على شكلي ووزني، انا شخص بيحب النظام وان الحاجة تبقى مترتبة شايفيني عكس كده علشان انا بطيئة بس وبعمل الحاجة براحتي
بس بقيت اصدق إني زي ما هما شايفيني وان مش منطقي كلهم عندهم الإجماع على نفس العيوب وانا مش شايفاها، بس بدأت أبالغ في حاجات كتير وأستغل أي موقف علشان أثبت لهم إني العكس لكن محدش بيقتنع 
مش عاوزة اتخطب أو أتجوز علشان من جوايا مصدقة كلامهم عليا وإن مفيش فعلا انسان عاقل هيتسحملني في حياته ولان صحابي اللي كنت بحبهم كلهم بعدوا فجأة، أهلي شايفيني شخصية مش حلوة، أنا بقيت شايفة نفسي زي ما هما شايفين والموضوع بيزيد وانا عارفة اخرتها اني فعلا هستسلم لما معرفش اثبت عكس اللي هما شايفينه وهبدأ أكون أسوء من اللي قالوه كله ومنفسيش أوصل للمرحلة دي تاني كان زمان لما بدخل في مرحلة فقدان الثقة في نفسي كان بيكون جمبي صحابي ف احساس انهم بيحبوني كان بيهون عليا وانه فيا حاجة حلوة خلتهم فارق معاهم وجودي واني اكون مبسوطة بس حاليا مفيش حاجة تخليني أتأكد إني أستاهل فعلا أتحب غير شوية أمل جوايا وثقة بتتهد حبة حبة 
اسفة اني طولت بس فعلا مخنوووقة وكان لازم اتكلم علشان كاتمة جوايا من كتير

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_47529 🇪🇬

منذ 4 أشهر

شعور محبط

انا كنت دفعة السنه اللي فاتت دبلوم تجاره بس للأسف مكملتش لإن والدي موافقش ورفض اني اكمل ومرضيش يسمع من اي حد انا سكت لإني تعبت وطبعا صحابي كملوا وبيحققوا احلامهم زي م هما عاوزين وانا قاعده بس حصل مشكله في البيت وانا جيبت سيرة التعليم ف بابا قال لأختي اني كل م اتكلم اجيب سيرة الكليه ف هي قالتله انت ع

Marshmallow_51929 🇪🇬

منذ 4 أشهر

شعور مكسور القلب

أنا مخنوقه جدا حاسه اني لوحدي دايما محدش فاهمني ولا حد عارف يتعامل معايا صح كل عاوزني ابقا زيهم وخلاص وأتعامل زيهم وخلاص مش فاهمين ان كل حد عنده شخصيته مش شرط عشان أنا عصبيه يبقا أنا وحشه عادي كلنا عندنا عيوب بس اهلي كل مايتناقشو معايا ف حاجه بيضغطو عليا جامد فعلا وانا بتعصب غصب عني فكلهم يقولولي

Chocolate_52135 🇪🇬

منذ 4 أشهر

شعور وحيد

انا اتعرفت ع واحد وهو قالي انه بيحبني جدا وبحس ساعات ب كدا انا اكبر منه بسنه وعايزني استناه 5سنين شايفاهم كتير اوي هكون كبرت وخايفه اخد موقف اخسرة خايفه استناه اكون ضيعت عمري او يتاثر ببعدي ف فتره محتاجني فيها جمبة ساعات بحس ان ممكن استناه عادي بس اهلي والضغط وكدا وبشوف فعلا انه جدي وراجل وبحس ان مم

Sugar_51255 🇪🇬

منذ 4 أشهر

شعور مكتئب

هو الواحد المفروض يتعامل ازاي مع مشاكل الأهل دي غير إنه ميموتش نفسه؟ ـــــ ـــــ ـــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

Chocolate_30158 🇪🇬

منذ 4 أشهر

شعور مرتبك

عبّر عن شعورك بشكل مجهول

مشكلتي معقدة شويه وطويله هى ان في واحد بيحبني من سبع سنين تقريباً او اكتر هو كان معايا في المدرسه كان اكبر مني بسنة كان دايماً بيقول لبنت خالة انه دايماً بيدعي ف الصلاة ان انا ما اتجوزش حد غيره ودايماً يتكلم عني وهي بنت خالة قالت ليا ان ايه رأي فيه وكده وانا طبعاً رفضت ع طول هو الشاب تمام مافيهوش حاجه غلط بس انا دايماً طموحاتي اكبر من كده وغير كده انا ما اقدرش اعيش وسط اهله علشان هما بيت عيله حتى برضو  دايماً يكلم صحبتي عني ويسألها هل انا اتخطبت ولا لا "هي تقرب له" وقالت له شيلها من دماغك مستحيل توافق عليك المهم دلوقتي اخويا شاف اخته وعجبته واتقدم ليها واول واحد وافق هو طبعاً قال علشان نقربوا من بعض اكتر وممكن انا اوافق عليه، دلوقتي هما اهله مركزين جداً معايا واخواتي ملاحظين كده وان هي دايماً خطيبت اخوي تكلمني واخواتي بيقولوا ليا هي مش بتكلمك علشان انتِ بتكلمك علشان اخوها واول مره كلمتها هو اخوها دخل عليها وقال لها بتكلمي مين قالت له بكلم فلانه وهو فضل يقولها والله ومش مصدق وكان كل شويه يروح لها تخليها تحلف انها بتكلمني، انا كنت سامعه بس متجاهله وحالياً بيتقرب من اخوي جداً وبيصر عليه انه يروح بيتهم يشوف الشقه هما اخواتي فهموا هو بيعمل كده ليه بس اخوي مايعرفش، المهم انا دلوقتي مش عارفه لو كنا ف تجمع اتصرف ازاي مع ان اخته دايماً تجيب سيرته ف المكالمة اوقات برد عليها و اوقات بتجاهل انا خايفه لاتكون فاكره ان انا معجبه بيه ولا حاجه وغير كده كل ما اقولها بحب حاجه بتقولي زي اخوي بيحب الحاجه دي وتاني حاجه مش عارفه لو اتجمعنا اتصرف ازاي مع العلم من فتره الاعدادي ماشفتهوش ولا هو شافني غير مرة وحده الايام دول

ياريت لو حد هيرد عليا ترد البنات بس.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_40800 🇪🇬

منذ 4 أشهر

شعور متوتر

انا في دبلومه ومن اول ما دخلت حسيت اني مش عارفه اتكلم مع حد بشكل طبيعي لاني طول الوقت مامتي مش عايزه حد يعرف انا دخلت ايه عشان الحسد بقيت كل ما اتكلم مع حد بقيت اخاف ليجيب سيره الدبلومه لاني فاكره ف مره قولت لحد قريبي اني دخلت دبلومه ولقيت ماما من هنا مزعقه وخربا الدنيا مع اني انا شايفاها عادي جدا

Biscuit_33979 🇲🇦

منذ 5 أشهر

شعور مزعوج

السلام عليكم ورحمه الله وبركاته اكيف اقول انه امي عندها عملية ، الله بعينها عليها بس من عام شغل البيت كله صار علي ، بحكم انه اختي الكبيرة تدرس هندسة ابوي و امي رافعين عليها شغل و حاطينه عيا ، لو اقولكم كاس هو اخير ادا شربت فيه مبتغسلوش فهي كدا ولا اقولكم انها حافرة نفسها في دراسة او شي زي كدا اهم ش

التجربة أفضل عبر التطبيق

حمّل تطبيق توهيل على هاتفك لتجربة أسرع