انا بنت عايشة انا وبابا وماما واخويا واختي في القاهرة وكل سنه في الاعياد بنروح الصعيد لجدي وستي واعمامي وكدا في هناك ابن عمي اكبر مني ب عشر سنين حاجه زي كدا هو ف اواخر العشرينات علطول يقرب مني ويحاول يلمسني وحركاته جريئة بطريقة تخوف لدرجه اني جسمي كله بيتشل وبحس اني مش قادرة اتحرك والموضوع دا اتکرر اكتر من خمس مرات وبقيت حرفيا كل يوم افتكر لمسه وقربه مني واقعد اعيط لحد اما انا اقسم بالله بلا مبالغه بقيت بحلم بيه كل يوم واصحى مفزوعه واقعد اعيط وانا انطوائية جدا ومش بقدر حتى اقول لماما وبخاف جدا لان ابويا عصبي اوي ولو عرف الموضوع اصلا هيبقى فيها دم ف صحبتي من قريب عرفتها بالموضوع هزقتني وقالتلي خايفة من ايه دا هو اللي المفروض يخاف على نفسه هو عمل معاكي كدا انهاردة متعرفيش هيعمل ايه بكرا واكيد مش انتي لوحدك لازم يتربي وكلام كتير لحد اما اتشجعت وقولت مكنتش عارفه اقوله ازاي وكنت البوم دا متوترة جدا وهو لاحظ اني مش بكلمه او بهزر معاه وكدا قعد يهزر ويقولي ايه القطه كلت لسانك وكدا يعني قعد يهزر انا معرفش مالي وقعدت اعيط هو اتخض وقالي ايه دا في ايه انا جيت جنبك وقعد يهزر شوية لحد اما بطلت عياط وقالي بتعيطي ليه ماما زعلتك قولتلو لا لحد م قولتلو بس مش كل حاجه عشان اتكسفت اقوله كدا قولتله فلان بيضايقني كتير وهو فهم من كلامي وعياطي وكدا فضل باصصلي شوية وبعدين حضني ومقالش اي حاجه قالي روحي اغسلي وشك ومتعيطيش تاني وبعدين نزل على شغل وبعديها بيومين قال لماما اننا هنروح البلد الاسبوع الجاي وروحنا وفي نص القاعدة مسك ابن عمي ضربه ضرب والرجاله بقت تحوش مش فاهمين حاجه واحد دلوقتي محدش يعرف ايه السبب غير انه ضربه وشكل ابن عمي عرف ضربه ليه لانه مكنش بيحاول يدافع عن نفسه حتى مش عارفه التصرف اللي عملته صح ولا لا اني قولت لاخويا وكدا لان عمي زعل منه ومن بابا

4

5