انا مكسوفه اوي احكي حاجه زي كدا بس لازم احكي انا من و انا صغيره سبحان الله بحس أن ربنا باليني ان حد يتحرش بيا كان في ولد كان بيستقصدني و انا طفله و كان بياخدني ف حته ضلمه و يقعد يحسس علي جسمي كلو الموضوع دا سببلى ازمة ثقة كبيره في الرجاله بقيت طول الوقت حاسه إن كل اللي يهمهم فيا هو جسمي اتعرضت للتحرش كمان من الشيخ اللي كان بيحفظني القرآن انا وقتها مكنتش استوعب حاجه زي كدا بس لما كبرت فهمت الموضوع دا كمان اخواتى الاتنين اتحرشو بيا برضو ف فتره المراهقه و كإنى كبش فداء لأي حد عاوز يتحرش يجيلي و دا كان غالبا بسبب أن ملامح الانوثه بانت عليا من و انا ف رابعه ابتدائى ف كل اللي انا بحكيه دا انا كنت طفله وقتها بقيت احس ان جسمي مش ملكي و اني نوعا ما بكرهه بقيت بكره فكره اني بنت و ان جسمي اهم حاجه فيا اي حد بيبصلي بيبقي ف دماغو الحاجات دي بس ياريت الموضوع وقف لحد كدا لما كبرت و كنت ف اول العشرينات ركبت توكتوك اخدني ف حته و اغتصبني و محكيتش لحد و لا حد يعرف بقت الفجوة اللي بيني و بين جسمي كبيره اوي بقيت بكرهه و بقي عندي كره كبير اوي اوي للرجاله يمكن علشان كدا انا مش قادره اتجوز مش عارفه انسي اي حاجه حصلتلي بخاف اوي اوي اتجوز حد يكون متجوزني بس علشان جسمي مش علشان بيحبني انا كمان خايفه اخلف و اجيب بنت تعاني نفس المعاناه اللي عانيتها مع اني والله ما كان ليا اي ذنب في كل اللي حصلي انا نفسي اعالج اللي جوايا دا بس مش عارفه ازاي انا حتي اخاف احكي لأي حد يستغلني

5

21