وجع صغير ناحية صدري من سنين - حد يفيدني

Question

السلام عليكم ورحمة الله وبركاته 
ياجماعه لو في هنا دكتور يا ريت يفيدني 
انا تحت باطي اليمين ناحية صدري شويه صغيرين في زي كلكيعه صغير كدا بتوجعني لما بتكه عليها ومن سنين الوضع ده بس بتوجعني اللي هو وجع صعب لا وجع عادي 
حد يفيدني 
انا ١٨ سنة

Chilli_59933 🇪🇬 · Accepted Answer

لازم تروحي تكشفي

Strawberry_64326 🇪🇬 · Answer

بصي يا قلبي ممكن يكون خراج مش حاجة وحشه ان شاءالله بس لازم لازم تروحي تكشفي

Strawberry_55730 🇪🇬 · Answer

منا مش عارفه اروح لدكتور ايه جلديه ولا اي

Coffee_63975 🇪🇬 · Answer

غالبا خراج بس لازم تروحي لدكتور جراحه علشان وجوده كتير غلط عليكي

Chilli_64343 🇪🇬 · Answer

حاولي تروحي تكشفي لان للاسف كان في حد قريبي كده واتاخر واتضح أنه كانسر ربنا يشفيكي ويعافيكي شوفي بسرعه وإن شاء الله يطلع خير

Strawberry_55730 🇪🇬 · Answer

طب اكشف عند دكتور ايه منا مش عارفه

Chilli_64343 🇪🇬 · Answer

بصي لازم دكتور جراح شاطر لأن حاجه زي دي المفروض كنتي علطول تكشفي متسبنيش نفسك كده اه ممكن طالما بتوجعك يبقي إن شاء الله خير بس برضو لازم نتطمن وتشوفي هيطلب منك تحاليل اي وتعملي وإن شاء الله خير بس نصيحه متسكتيش لأن قسما بالله قريبتي متبهدله ربنا يعافينا ويعافيكي يارب

Apple_64348 🇪🇬 · Answer

طالما في الم يبقى اتطمني انتي كويسة ده يا اما خراج يا اما حاجة اسمها fibroadenoma وفي الحالتين ميخوفوش لاكن لازم تكشفي وتعملي سونار عليها عشان نعرف ايه نوعها بالظبط وهتتشال بانهي طريقة

Strawberry_55730 🇪🇬 · Answer

يعني ممكن اعمل عمليه عشان تتشال!

Chilli_61759 🇪🇬 · Answer

بتاخدى أى أدوية لظبط الهرمونات؟

Apple_64348 🇪🇬 · Answer

لو خراج هتمشي على مضات حيوية لو منفعتش هتضطري تفتحيه جراحيا لو الfibroadenoma فدي حلها الوحيد انها تتشال لكنها مش مؤذية عامة لو فضلت موجودة نسبة انها تتحول لكانسر لا قدر الله لو اتساب هو ١٪

Strawberry_55730 🇪🇬 · Answer

لأ بس باخد كميات كبيرة من المسكنات ممكن اخد بروفين وبعديها مسكن الف

Chilli_61759 🇪🇬 · Answer

والكلاكيع دى تحت باطك بس مفيش فى صدرك صح؟

Watermelon_58589 🇪🇬 · Answer

رطب المنطقة دائما وارد تكون هرمونات بلوغ

Strawberry_55730 🇪🇬 · Answer

ايوا في باطي بس ، للعلم ماما بتقول أن عندها نفس الكلكيعه تقريباً ده بيبقى وراثه ولا اي