حياتي بين شخصيتين.. تعبت نفسيًا من تجربة التحرش

Question

انا مشكله بدات معايا من وانا طفل صغير ٨ سنين   تعرضت للتحرش في الشارع من حد بعد كده حلصلنا ازمه في بيت بابا ساب الشغل وانا كنت في مدرسه خاصه اضطريت انقل لمدرسه حكومه وبعيده اوي عن مدرستي القديمه فكان جالي شبه توحد كده مكنتش عاوز اكلم حد ولا اعرف حد منهم علشان كانو بيهزرو مع بعض هزار مش كويس عارفين هزار شباب في مدارس لغايه منا بدأت اندمج معاهم وعلموني الفرجه علي الاباحيه وبقيت بشوف فيديوهات رجاله ونهزر مع بعض في مدرسه هزار مش كويس بعد كده بقا بدات في اونلاين اكلم ناس وفيدوهات وكده بس حمدلله اني موصلتش اني اقابل حد بس كنت بعمل انا في نفسي حاجات ساعات مهم انا دلوقتي تعبان نفسيا عايش بشخصيتين شخصيه ناس شايفنها راجل محترم الجدع السوي الي تعرف ربنا وشخصيه تانيه بقا عكس كل ده مشكله اني جربت كتير ابطل بس مش عارف ممكن لو حد حصله كده وعرف يخرج يساعدني انا فكرت اروح لدكتور نفساني بس مش عارف خطوه دي صح ولا غلط وخايف حد يعرف هيبقا شكلي ايه وهقولهم رايح ليه انا بجد تعبت من تفكير ياريت الاقي حل هنا

Tofu_19483 🇪🇬 · Accepted Answer

صلي وصوم كتير...ولازم تاخد خطوة إنك تروح لدكتور نفسي ده شيء عادي ومحدش ليه عندك حاجه خد الخطوه علشان صحتك النفسيه أهم من أي حد والأهم إنك تقرب من ربنا أكتر

Marshmallow_62123 🇸🇦 · Answer

فكر في التوبة و جزاء التوابين و انك لما تتوب ربنا هيحبك اكثر و  ينجحك تبعد عن ده و لما الشيطان يوسوس لك انزل اتمشى او روح لمكان في ناس عشان متعرفش تعمل حاجة و قول لو عملت حاجة هصوم مكانها يوم او هقرأ مكانها جزء قرآن

Apple_64436 🇪🇬 · Answer

غير الناس البي بتقعد معاهم ببساطة 
دور على ناس كويسة

Apple_64348 🇪🇬 · Answer

اول حاجة لازم تعرف ان اللي حصلك مش ذنبك انت لكن اللي انت فيه دلوقت وتعاملك معاه لا ده ذنبك ومسؤليتك انت لازم لازم لازم دكتور نفسي كويس مش كفتجي يقدر يساعدك فعلا قولهم ف البيت اي حاجة مكتىب ولا اي حاجة المهم تروح وبدل اي حاجة بتقربك للموضوع ده بحاجة تانية بتحبها تشغل وقتك يفضل لو شغل حسن من نفسك وشكلك ورجولاك زي انك تنزل الجيم وتربي دقنك وشنبك ولو معندكش في مستحضرات بتطلع شعر الوش

Apple_64348 🇪🇬 · Answer

٢..خلي عندك ثقة ف نفسك وبص لنفسك ف المرايا  وانت عارف ان قيمتك اكبر بكتير من القرف ده وانك راجل الظروف حطتك ف مشكلة وانت هتطلع منعها

Avocado_64280 🇪🇬 · Answer

في جلسات نفسية اونلاين في التخصص ده بذات اللي هو اضرابات الهوية الجنسية ءأمن لو خايف من نظرة الناس

Banana_64467 🇪🇬 · Answer

حاجه كويسه انك عارف لمشكله فين وعارف انها غلط 
لازم تقرب لربنا ده مهم اوي اوي اوي 
بطل اباحيه عشان كارثيه حرفيا 
انزل GYM 
اتعرف علي ناس بتصلي ف الجامع

Mango_64484 🇪🇬 · Answer

انا حياتي مشابهه ليك بس مع بعض الفروق.انا زيك اتعرضت للتحرش من شخص من العائلة وانا طفل بعدها كبرت لاقيت نفسي دخلت ف علاقات.
 جربت اروح لدكتور نفسي، ارتحت ان لاقيت حد يسمعني وكنت ماشي على علاج للوسواس القهري والعلاج دا من اعراضه هو البرود الجنسي ف دا ساعدني ان ابطل العلاقات دي ، بس بعد سنتين اضطريت ابطل ادويتي،لاسباب خارجه عني.ورجعت لنقطه الصفر.
ف نصيحتي ليك حب نفسك  وروح لدكتور نفسي بس استمر معاه.

Apple_64449 🇪🇬 · Answer

انا مشكله اني مش منتظم في جيم اوي فاهم + اني ساعات بيجيلي افكار في جيم مش احسن حاجه علشان كده خايف انزل مش عارف دماغي بتهيألي ده علشان اكسل وا ايه بس ده في دماغي

Apple_64449 🇪🇬 · Answer

تعرف زي ايه

Apple_64449 🇪🇬 · Answer

في دكتور نفسي تبع جامعه عندي اروحله

Apple_64449 🇪🇬 · Answer

مشكله اني طالب مش بشتغل ودكاتره اسعارهم غاليه شويتين في دكتور نفسي تبع مستفي طلبه في كليه اروحله؟

Apple_64449 🇪🇬 · Answer

انا ناس حواليا كلهم ملهمش في كلام ده خالص

Apple_64449 🇪🇬 · Answer

بحاول والله اعمل كده بس بتنكس تاني وساعات موضوع بيسؤ اكتر

Apple_64449 🇪🇬 · Answer

انا والله بعمل كل ده علشات اقرب منه بس تعبت وبنسبه لموصوع دكتور فدكتور تبع كليه اروحله؟

Mango_64484 🇪🇬 · Answer

اه روحله، اهم حاجه الدكتور يتقبلك، لو حسيت ف اى لحظة انه بيحكم عليك أو بيهاجمك شوف غيره.

Avocado_64280 🇪🇬 · Answer

موقع شيزلونج انا جربته وليهم برنامج كمان بيوصلوك باكتر من دكتور وكل دكتور بيكتب هو متخصص في ايه

Apple_64348 🇪🇬 · Answer

لا مفيش الكلام ده وهيبقى اي كلام اللي ف ايدك دلوقت انك تعالج نفسك بنفسك اقرى ف علم النفس وافهم نفسك وحاول تظبط الدنيا مع نفسك لحد ما تقدر تروح لدكتور لو لا قدر الله مقدرتش تتعافى لوحد او تعافيت وبقى شوية افكار او اثار قديمة دور واستخدم شات جي بي تي

Banana_64467 🇪🇬 · Answer

لا لازم تنزل و تحتك ب الناس و حط ف اعتبارك دايما عقوبه ربنا للفعل ده و جاهد نفسك و لو لقيت الموضوع ضغط اوي روح لطبيب مختص و تضمن انه هيحفظ السر 
خد بالك ان الراجل في هرمونات انوثه اللي هي الاستروجين 
ممكن تبقي عندك خلل فيها 
اهم حاجه حط ربنا ف كل تفكير و كل خطوه و ان شاء الله خير