اهلا يارب يومكم يكون جميل انا عندي 19 سنه اولى كليه علوم جامعه عين شمس تحديداً كلية البنات و الحمد لله ربنا كرمني و دخلت أعلى قسم في الكليه. أولا اسفه لو هطول عليكم ثانياً انا مكنتش عايزه ابقى في علوم ولا في حاجه طبيه اصلا من اول دخولي مدارس ستيم للمتفوقين بالواسطة من 4 سنين وانا عايشه في دوامه مش بتاعتي ولا مكان مكاني بس كنت بحاول ارضى باللي كتبه ربنا و اعافر و اجتهد و ربنا شاهد عليا اني بذلت كل الجهد اللي اقدر اعمله طول ال 4 سنين اللي فاتوا و مره تصيب و عشره تخيب. ثالثا اعترف و أقر اني عاندت مع اهلي عشان اروح كليتي في محافظة القاهره بعيد جدا عن المحافظة بتاعتي لاني طموحه و عايزه اكبر في مكان فيه فرص و شغل و تدريب و مستعده اتحمل كل مسؤوليتي حتى شغل كنت بدور على شغل عشان حتى المصاريف اخفف عنهم و فعلا ليقت شغل وقتها. رابعاً انا شيلت 3 مواد في الترم الاول أما بقى الترم الثاني و بدون دخول في تفاصيل ربنا أراد اني مدخلش الامنتحانات لأسباب ما ملهاش علاقه باللي بحكيه حالياً المهم ماما قالتلي خلاص مترجعيش تاني و نقدملك هنا في المحافظة بتاعتنا و انا سعتها اخدت قرار أنه كفايه 4 سنين من عمري انا لازم اروح للحاجه اللي انا شاطره فيها ( عندي مجال معين اشتغلت فيه فتره و فعلا شاطره فيه ) و قولتلهم انا هحول من الكليه.. بابا اعترض و لكن ماما وافقت و ماما حالياً مكلمه ناس تشوف الحوار هيتم ازاي و ينفع ولا لا لأن مدرستي اللي كنت فيها ليها شروط و حوارات. خامساً.. انهارده و كل شويه بسمع كلام يسم البدن من ماما و اهلي عموماً لأن انا اللي صممت اروح القاهره و انا اساسا مشكلتي مش مع القاهره انا مشكلتي مع الكليه و ماما انهارده قالتلي انها حاولت تقف جنبي بس مش هتقف اكتر من كده لانها معندهاش طاقه و هي قالتلي لا من الأول و كلام الأمهات ده و قالتلي عايزه تسمعي كلام ابوكي و تقعدي في علوم هنا اهلا وسهلا غير كده هو عايزك متكمليش تعليم... انا كل كلمه منهم بتهدني.. مش عارفه اعمل ايه.. انا كرهت علوم و انا مش عايزها و مش قادره اتقبلها بأي شكل من الأشكال و مش عارفه اعمل ايه غير اني تركت امري لله بس انا مش عارفه المفروض اعمل ايه

3

6