عايزة احس اني متشافة. عارفة اني ببقي اتنشن بس بخاف من فكرة ان محدش يديني اتنشن بحس نفسي مش متشافة بحس اني مش موجودة ومليش قيمة في البيت متعودة اني احس اني متشافة في حالتين بس إما اني اكون احسن من غيري فلما يقارنو اطلع انا الفايزة او اكون الشخص اللي عنده مصيبة وعامل حاجة غلط فساعات بتعمد اني اعمل المصايب دي زمان وانا بعملها مكنتش ببقي مدركة انا بعمل ده ليه بعديها بقيت بدرك بعد ما بخلص المصيبة دلوقتي بقيت عارفة انماطي وعارفة غلطاتي وبراقب نفسي اكتر عارفة اني ممكن احاول الفت انتباه ولد او اتكلم بطريقة فيها غزل مع حد رغم اني المفروض المفروض حد متدين ، عارفة اني هحاول امرض نفسي او احرم نفسي من الاكل عشان اتعب بس في الاغلب دي بعملها عشان بعاقب نفسي علي حاجة فبقيت بزق نفسي زق اني اكل واخد بالي من نفسي عشان متعبش ، عارفة اني هروح اعمل خناقة مع حد في البيت فبقيت بحاول اتجنبهم لغاية ما اهدي الحاجات دي ساعات بتنجح وساعات مبتنجحش السؤال هنا ازاي مخافش من فكرة اني مش متشافة دايما وانه عادي وازاي اعوض الشعور ده بنفسي لنفسي وابطل انفعل او اُستثار من تجاهل بسيط او ان حد يمسك التليفون وهو بيكلمني او ان حد نسي حاجة انا قولتله عليها

5

16