حبيت شخص جدا قعدت معاه سنتين واربع شهور اول سنه كان شخص جميل جدا بيشجعني و بيدعمني وعايزني ديما احسن تاني سنه بدأ يعترض علي لبسي رغم أن لبسي كويس جدا و بدأ يمنعني من صحابي وبدأ يبعدني عن اهلي مبقاش عيزني انزل من البيت وبسببه كل الناس بعدت عني مبقاش في حد قريب مني حتي دعمه ليا مبقاش موجود بدأ يبان أنه شخص شكاك بيمسك تلفوني كتير عاوز يعرف انا واهلي بنقول اي ونا وصحابي بنقول اي واتكلمنا اد اي ولو رفضت اجاوبه أو اسيبله التلفون بيفكر اني خيفه من حاجه بس رغم كل ده في مميزات تانيه كتير زي إنه بيحبني جدا بيعمل علشاني كل حاجه يقدر عليها بيحاول ديما يفرحني بس بالطريقه ال هو شيفها مش اللي انا محتجها قدرت حبه ليا والحاجات اللي بيعملها عشن يسعدني واتكلمت معه عن اللي بيزعلني وقعدت معاه سنه و 4 شهور علي امل أنه يتغير أو أنه يحس بس ديما كان بيستهزا بكلامي أو يقلبها خناقه حاولت معاه والله بس خلاص جالي وقت وتعبت واتقفلت مبقتش عايزاه ولا عايزه الموضوع بس خيفه ابعد عنه هو يتاذي بسببي أو اطلع طرف وحش خيفه اكون سبب في وجعه هو لاحظ اني اتخنقت و بدأ يتغير بس انا راكمت لدرجه اني اتقفلت و مش مستحمله انا عايزه ابعد وعرفه اني هتاذي وهتوجع بس مش ده اللي مخوفني انا خوفي اني اوجعه خيفه بعدي عنه ياذيه انا كل حاجه بالنسباله بس شخصيتنا مش زي بعض خيفه اكون الطرف التوكسيك و المؤذي وخيفه اكون سبب ف وجع قلبه (لو حد عنده اي نصيحه يقدمهالي )

10

4