الخوف!! زمان ولحد وقت مش بعيد كنت بخاف افكر لوحدى لان طول الوقت كنت بتخوف من انى امشي بدماغى لانى اكيد هغلط ..بخاف اعترض ع وضع مش عاجبني عشان مضايقش الاطراف التانية بخاف بخاف بخاف اتربيت ع فكرة امشى ع وصفة الكبار المتجربة عشان متغلطيش لحد م إتعلمت انى من حقي اغلط وإن دا لا ينتقص منى شئ ومش لازم كل حاجة تبقى مثالية لان الحقيقة حتى لو كل حاجة مثالية من برا انا كل حاجة جوايا بتكون بايظة مش بكون مقتنعة بس بسكت مش ضعف لكن خوف من اللوم.. يمكن عندى مشكلة لحد دلوقتى انى لو اخدت قرار مخالف للى حوليا بقعد ابرر موقفى.. باخد القرار بس لسه بحس انى محتاجة ابرر ولكن ع الاقل بطلت اخاف.. ربنا مش خالقنا مثاليين ولا دا الهدف من وجودنا كون بالعكس احنا بنكتشف بنفسنا لما نحاول ونغلط ونتعلم ونندم ونتوجع ونستغفر.. للأسف الخوف بياكل العمر لانك هتفضل كتير واقف مكانك في المنطقة الآمنة لحد م هتواجهه الحياة فجأة وهتمشي في طريق مجهول لوحدك هتفضل فترة كبيرة تايهه ممكن توصل وممكن لا لأن خوفك هيمنعك تجرب

2

2