محتارة بين حبي لأجنبي ورفض أهلي - إزاي أقنعهم؟

Question

محتاجة رأي الناس اللي بتفهم وبتحب تساعد 🤍

أنا في موقف صعب ومحتارة جدًا وفعلاً محتاجة أسمع آراء الناس اللي عندها خبرة أو حتى وجهة نظر صريحة 🙏🏼

أنا حبيت شخص بجد، شخص محترم وحنين وبيحبني بصدق، المشكلة إنه مش من نفس بلدي… هو أجنبي، ودي الحاجة اللي أهلي ممكن مايتقبلوها بسهولة.
أنا عارفة إنهم بيخافوا عليّ وعايزين مصلحتي، بس كمان قلبي مش قادر ينساه، وكل يوم بيعدي بحس إنه هو الشخص اللي عايزة أكمل حياتي معاه.

إزاي ممكن أقنع أهلي إن الجواز مش جنسية ولا بلد، الجواز تفاهم وحب واحترام؟
هل حد مرّ بتجربة شبه كده؟ أو يعرف حد قدر يقنع أهله بحب شبه كده؟

لو في حد حاسس بيا أو عنده نصيحة أو رأي.. هقدّرها جدًا 💌

Coconut_64383 🇴🇲 · Answer

بصي متخافيش من حاجة محصلتش يعني انتي لسة معرفتيش اهلك بلاش تخافي من دلوقتي.... وهو لو بيحبك بجد وباقي عليكي هيحاول مع أهلك مرة واتنين وتلاتة

Strawberry_64253 🇪🇬 · Answer

منا مش عارفه استمتع بالايام الحلوه علشان الخوف دا

Coconut_64383 🇴🇲 · Answer

طيب عرفي اهلك وقولي له يكلمهم وهو يحاول معاهم

Strawberry_64253 🇪🇬 · Answer

مينفعش اولا هو لسه ليتعلم عربي علشان يعرف يتواصل مع بابا . تاني حاجه احنا اتفقنا أن مش هنتجوز دلوقتي تماماً لأن اهلي مش هيوافقوا انهم يجوزوني دلوقتي كمان فا مش عايزه اتكلم في حاجه واخد رد من اهلي يخلي الموضوع يتقفل من دلوقتي

Avocado_62978 🇪🇬 · Answer

"أنا فاهم موقفك والله، وده مش سهل خالص. أهم حاجة إنك تكوني متأكدة بنسبة 100% إنه الشخص الصح اللي يستاهل تضحي عشان تبني معاه حياة.
بالنسبة لأهلك، طبيعي يبقوا خايفين وده نابع من حبهم وخوفهم عليك مش رفض لمجرد الرفض.
حاولي معاهم خطوة خطوة:

الأول خليهم يعرفوا صفاته الطيبة وطباعه وإنه محترم وجدع بدون ما تركزي على جنسيته.

بعدين ابني الفكرة قدامهم واحدة واحدة، لحد ما يبقى الموضوع مش غريب بالنسبة لهم.
وف

Avocado_62978 🇪🇬 · Answer

– تبدأ تتكلم معاهم عن صفاته كويسة، بدون ذكر جنسيته في الأول.
– تحكي مواقف حصلت تثبت إنه شخص محترم وجدع.
– بعد فترة تبدأ تلمح إنه مش من نفس البلد، وتوضح إن الأهم هو الشخص نفسه مش الجنسية.

Strawberry_64253 🇪🇬 · Answer

مش عارفه ازاي ابدا اعمل كدا خصوصاً أن هما لسه شايفين أن أنا صغيره ومش بعرف اختار اي حاجه في حياتي لاني من النوع مش اللي مش بخرج ولا ليا احتكاك بالناس اوي

Watermelon_63493 🇪🇬 · Answer

انتى كم سنة

Strawberry_64253 🇪🇬 · Answer

22

Avocado_62978 🇪🇬 · Answer

انتي عندك كام سنه

Strawberry_64253 🇪🇬 · Answer

22