أصعب احساس ف الدنيا هو احساس الفقد

Marshmallow_85500 🇪🇬

منذ 3 أيام

شعور وحيد

سمعت حد بيقول ان أصعب احساس ف الدنيا هو احساس الفقد فقد حد بتحبه مشى وسابنا للأبد انا مجربتش الاحساس ده بالمعنى الحرفى انا جربت الفقد لكل اللى حواليا بس هما لسه عايشين ونشوف بعض وعايشين مع بعض ف نفس البيت معرفش ده يعتبر فقد بردو ولا لا بس ده اللى انا حساه

أصعب حاجة وجع الفراق اللى مالوش علاج

أصعب حاجة فى الدنيا أما حد قريب منك يخطفه الموت ويبعده عنك ساعتها بتحس ان حياتك كلها وقفت عند اللحظة دى وبتحس بأصعب احساس فى الدنيا وهو وجع الفراق اللى مالوش علاج، لان اى فراق تانى ممكن يكون له علاج يعنى لو حد غالى عليك مسافر بتعيش على أمل إنه هايرجع فى يوم وتشوفه، ولو حبيب افترق عنك بتتوجع من فراقه بس عارف إنه عايش وعلى أمل إنك ممكن تقابله صدفة أو تجمعكم الأيام مرة تانية. ...عرض المزيد

0 الدعم

3 نصيحة

مش قادر اتخطي وفاة تيتا وكل حاجة بتذكرني بيها

ازاي اتخطي وفاه تيتا بقالها شهر متوفيه و مع ذلك مش قادر اتخطي مداري كل حاجه جوايا و مش مبين ادام حد خالص اني في حاجه بس انا مش قادر حرفيا كل حركه بعملها او اي حاجه بعملها في حياتي يجيلي موقف معاها مشابهه كلمه قالتها و هكذا ده غير الوفاه نفسها كانت صعبه اوي كانت في العنايه قبل ما تموت و اخر مره كنت معاها قبل ما تموت كانت بتقولي افضل جمبي هنا متسبنيش هي كانت في غيبوبه كبد الجمله دي عماله تيجي في دماغي علي طول كنت عاوز افضل معاها ساعتها مسبهاش ...عرض المزيد

2 الدعم

2 نصيحة

الذكريات بتوجع بعد ما سابوك اللي كانوا بيحبوك

‏تِلْكَ اللَّيَالِي الَّتِي كَانَتْ تُجَمِّعُنَا هِيَ اللَّيَالِي الَّتِي بَاتَتْ تُنَائِينَا فَكَمْ ضَحِكْنَا وكَمْ دَامَتْ مَوَدَّتُنَا وَالْيَومَ نَبْكِي عَلَى الذِّكْرَى وَتُبْكِينَا ال Flashback اللي بيجيلك فجأة بتفتكر انك كنت مبسوط في الوقت ده السنة اللي فاتت كنت معاهم ومبسوط ومش شايل هم دلوقتي سابوك وبقيت لوحدك بتحاول تتعود ع الوحدة وتتأقلم ع الحياة من غيرهم مش قادر تستسلم عشان متبقاش ضعيف بتموت في كل مرة بتقاوم فيها شعور انهم وحشوك حتى لو دورت ع بديل عمره ما هيكون زيهم طعم الحياة معاهم أحلى كنت بتصحى تلاقي نوتفكيشن منهم ف كل الابلكيشنات وتقعد ترد عليهم وانت مبسوط دلوقتي بتصحى متقلقيش حد فاكرك فاكر الإسم المميز اللي كانوا بينادوك بيه الإسم ده مش هتسمعه تاني حتى اسمك العادي كان طعمه مختلف منهم فاكر طريقة الهزار والكلام روح الحياة كانت معاهم وانت دلوقتي معاك ذكريات وبس بقيت ميت من بعدهم ومطلوب منك تتأقلم وتنجح كمان وتبقى شخص طبيعي عرفت يعني ايه مكتئب ويعني ايه مش شايف حاجة ف الحياة تبسطني انت مجرد شبح من غير روح أتأقلم واستسلم واعرف إن اللي فات مات وانت مت معاه... ...عرض المزيد

1 الدعم

3 نصيحة